कुन सडक बन्द, कुन सडक खुला ?

कात्तिक ३, २०७८ बुधबार १९:३९:२० | उज्यालो सहकर्मी

काठमाण्डाै – वर्षाका कारण देशभरका आठ ठाउँको सडक बन्द भएका छन् । पुष्पलाल राजमार्ग, डुम्रे–बेँसीसहर–चामे सडक, राप्ती राजमार्गलगायतका राजमार्गमा बाढी र पहिरोका कारण सडक बन्द भएको छ ।

पुष्पलाल राजमार्गअन्तर्गत ओखलढुङ्गाको हिलेपानी–जयरामघाट–हलेसी खण्ड र सिन्धुलीको खुर्कोट–घुर्मी खण्डको अक्करे भिर तथा सोखु खोलामा सडक बन्द छ । डुम्रे–बेँसीसहर–चामे सडक मनाङको विभिन्न खण्डमा बन्द छ ।

बझाङमा खोड्पे–चैनपुर सडक जालीबगर र नारुघाटमा र धनगढी–सहजपुर–बुडर सडक र सतबाँझ–थाकतोली–दार्चुला–तिङ्कर सडक पनि बन्द छ ।

कालीकोटमा सुर्खेत तल्लो डुङगेश्वर–सातखम्बा–दुल्लु–पिपलकोट–खुलालु–मान्मा–नाग्मा–जुम्ला सडक विभिन्न ठाउँमा बन्द रहेको सडक विभागले जनाएको छ ।

गएको आइतवारपछि १२ ठाउँको सडक बन्द भएकामा अहिले चार ठाउँको सडक खुलाइसकिएको विभागले जनाएको छ । कोसी राजमार्गअन्तर्गत धनुकटामा लेती खोलामा ४० मिटर सडक कटान भएकोमा एकातर्फबाट खुलाइएको छ ।

राप्ती राजमार्गअन्तर्गत सल्यानमा अरिङ्गलेफेदीमा बन्द भएकामा एकातर्फबाट सञ्चालनमा आएको छ । सल्यानको कपुरकोट गाउँपालिकाले पहिरो सफा गरेपछि एकातर्फबाट चल्न थालेको हो ।

वीपी राजमार्गअन्तर्गत सिन्धुलीको कमेरे फाँटमा पनि एकतर्फी सडक खुलेको छ । भालुवाङ–लिवाङ रोल्पा माडीचौर दारबोट सडक प्युठानको गनाहा चकचके खण्डमा बन्द भएकामा अहिले खुलेको छ ।

यस वर्षको वर्षा सुरु भएपछि दुई सय ३८ ठाउँको सडक बन्द भएकोमा अहिले आठ ठाउँमा बन्द छ । एक सय ३४ ठाउँको सडक एकतर्फी र ९६ ठाउँको सडक पूर्ण रूपमा सञ्चालनमा आएका सडक विभागले जनाएको छ ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कुन सडक बन्द, कुन सडक खुला ?

फाइल फाेटाे

तपाईको प्रतिक्रिया