नेपालको खराब प्रदर्शन, हङकङले चार विकेटले हरायो
बैशाख ८, २०८१ शनिबार
काठमाण्डाै – ऊर्जा, जलस्रोत तथा सिँचाइ मन्त्री पम्फा भुसालले विद्युतीय गाडीलाई सरकारले बढवा दिने बताउनुभएको छ ।
आज मङ्गलवार काठमाण्डाैमा महिन्द्रा कम्पनीकाे आठ लाख ४० हजारको विद्युतीय अटो सार्वजनिक कार्यक्रममा बोल्दै मन्त्री भुसालले विद्युतीय यातायातलाई सरकारले बढवा दिने बताउनुभएको हो । उहाँले आजसम्म नेपालीलाई चाहिने जलविद्युतको पर्याप्त उत्पादन गरिसकेको बताउँदै अबको बाटो आफ्नै देशमा विद्युतीय गाडीसहित विद्युतीय सामानहरू बढाउने रहेको बताउनुभयो ।
मन्त्री भुसालले असन्तुलित अर्थतन्त्रलाई सन्तुलित बनाउन विद्युतीय गाडीले सहयोग गर्ने पनि स्पष्ट पार्नुभयो । विद्युतीय गाडीले रोजगारीमा पनि सहयोग पुग्ने बताउँदै उहाँले विद्युतीय गाडीलाई बढवा दिन अब काठमाण्डाै उपत्यकाका सरकारी कार्यालयहरूमा र उपत्यकामा सबै विद्युतीय गाडी खरिद गर्ने नीति सरकारले ल्याएको बताउनुभयो ।
मन्त्री भुसालले सरकार विद्युतीय गाडीलाई स्थापित गर्न सहुलितयका लागि तयार रहेको बताउनुभयो । उहाँले आउँदाे मङ्सिर १ गतेदेखि २० युनिटसम्मको बिजुली बाल्नेहरूलाई निःशुल्क दिने, घरेलु खपत घटेकाे महसुल र सिँचाइमा घटेको महसुल लागू हुने बताउनुभयो ।