काठमाण्डाै – चौथो संस्करणको पाँचपोखरी 'विन्टर ट्रेल हाफ म्याराथन' को उपाधि सोलुखुम्बुका सुमन कुलङ राईले जितेका छन् । 

सिन्धुपाल्चोकको पाँचपोखरी थाङपाल गाउँपालिकाको चार हजार दुई सय मिटर उचाइको पाँचपोखरीमा सम्पन्न प्रतियोगितामा कुलुङले निर्धारित २१ किलाेमिटर दुरी एक घण्टा ५५ मिनेट ५२ सेकेन्डमा पूरा गर्दै पहिलो भए । ​दोस्राे र तेस्राे स्थानमा आर्मीका गोपाल तामाङ र श्रीकास राईले क्रमशः दुई घण्टा २९ सेकेन्ड र दुई घण्टा एक मिनेट ४० सेकेन्डमा दौड पूरा गरे । चौथो र पाँचौँ स्थानमा अर्जुन कुलुङ र तीर्थ तामाङ रहे । 

महिलातर्फ धादिङकी रसिला तामाङ पहिलो भइन् । उनले दुई घण्टा ४४ मिनेट ४३ सेकेन्डमा दौड पूरा गरिन् । सिन्धुपाल्चोककी नितु तामाङ दुई घण्टा ४६ मिनेट २५ सेकेन्डमा दाैड पूरा गर्दै दाेस्राे भइन् । तेस्राे, चौथो र पाँचौँ स्थानमा क्रमशः प्युठानकी सङ्गीता बुढामगर, आश्मा विश्वकर्मा र निर्मला राई रहे ।  

पुरुष र महिला दुवैतर्फ पहिलो हुनेले ५० हजार, दोस्राे हुनेले ३० हजार र तेस्राे हुनेले २० हजार रुपैयाँ प्राप्त गरेका छन् ।