दीर्घ राेग नभएका १२ देखि १८ वर्षमुनिका बालबालिकालाई पनि फाइजर खोप ( खाेपकेन्द्रकाे सूचीसहित)

मंसिर ५, २०७८ आइतबार ११:१२:५६ | उज्यालो सहकर्मी

काठमाण्डाै - दीर्घ रोग नभएका १२ देखि १८ वर्षमुनिका बालबालिकाले पनि कोभिडविरुद्धको फाइजर खोप लगाउन पाउने भएका छन् ।

आजदेखि १२ देखि १८ वर्ष मुनिका बालबालिकालाई फाइजर खोप दिइने स्वास्थ मन्त्रालयका सहप्रवक्ता डाक्टर समिर अधिकारीले जानकारी दिनुभयो ।

उहाँकाअनुसार खोपका लागि उमेर खुल्ने परिचय पत्र अनिवार्य गरिएको छ । जन्मदर्ता वा परिचय खुल्ने सरकारी कागजात लिएर तोकिएको अस्पतालमा गए १२ देखि १८ वर्ष मुनिका बालबालिकाले खोप पाउने छन् ।

फाइजर खोपका लागि सरकारले यस अघि तोकेको २४ वटा अस्पतालमा जानु पर्ने हुन्छ । हिजोसम्म यो खोप १२ वर्षदेखि १८ वर्ष मुनिका दीर्घ रोगीलाई मात्रै दिइँदै आएको थियो । दीर्घ रोग भएकाहरुलाई दिएर खोप बाँकी रहेकाले अन्यलाई पनि यो खोप दिन लागिएको हो ।

कोभ्याक्स सुविधा अन्तर्गत अमेरिकाबाट नेपालले प्राप्त गरेको एक लाख ६ सय २० डोज खोप गएको कात्तिक २८ गतेदेखि दीर्घ रोग भएकालाई लगाउन थालिएको थियो ।

खोपका लागि काठमाण्डौ उपत्यकामा वीर अस्पताल, वीरेन्द्र सैनिक अस्पताल, सिभिल अस्पताल, त्रीवी शिक्षण अस्पताल, सहिद गङ्गालाल राष्ट्रिय हृदयकेन्द्र, पाटन अस्पताल, भक्तपुर क्यान्सर अस्पताल र सहिद धर्मभक्त अङ्ग प्रत्यारोपण गरी आठवटा खोप केन्द्रबाट फाइजर खोप लगाइरहेको छ ।

यस्तै काठमाण्डौ उपत्यका बाहिर प्रमुख अस्पतालबाट पनि फाइजर खोप लगाइने छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्