महिला हिंसा अन्त्यका लागि कानुनको प्रभावकारी कार्यान्वयन हुनुपर्छ : राष्ट्रपति भण्डारी

 मंसिर ९, २०७८ बिहिबार १०:५०:२९ | रासस
unn.prixa.net

काठमाण्डाै - राष्ट्रपति विद्यादेवी भण्डारीले महिलाविरुद्ध हुने सबै प्रकारका हिंसा अन्त्यका लागि कानुनमा उल्लिखित दण्ड र सजायको प्रभावकारी कार्यान्वयन गरिनुपर्ने बताउनुभएको छ ।

महिलाविरूद्ध हुने हिंसा निर्मूलनसम्बन्धी अन्तर्राष्ट्रिय दिवस तथा लैङ्गिक हिंसाविरुद्धको १६ दिने अभियान, २०७८ का लागि आज शुभकामना सन्देश दिँदै उहाँले ‘घरैबाट सुरू गरौँ, महिला हिंसा अन्त्य गरौँ’ भन्ने राष्ट्रिय सङ्कल्पका साथ विभिन्न कार्यक्रम आयोजना गरी सञ्चालन गरिने अभियानको सफलताको कामना गर्नुभयो । 

'नेपालको संविधानले समानुपातिक, समावेशी र सहभागितामूलक सिद्धान्तका आधारमा समतामूलक, समृद्ध र न्यायपूर्ण समाजको निर्माण गर्ने सङ्कल्प गरेको छ, परिवर्तित सन्दर्भमा जननिर्वाचित संस्थामा महिलाको उल्लेख्य सहभागितासहित राजनीतिमा महिलाको सशक्तिकरणले तीव्रता पाएको छ', सन्देशमा भनिएको छ ।

राष्ट्रपति भण्डारीले समाजमा विद्यमान विकृति र विसङ्गतिविरुद्ध परिवार र समुदायस्तरमा व्यापक सचेतना अभियान सञ्चालन गर्नुपर्नेमा जोड दिँदै महिलालाई आर्थिकरूपले आत्मनिर्भर बनाउँदै महिला र पुरुषमा भएको असमान शक्ति संरचनामा परिवर्तन सक्नुपर्ने बताउनुभएको छ ।

सन्देशमा लैङ्गिक हिंसाविरुद्ध ऐक्यबद्धतासहितको साझा प्रतिबद्धता जनाउँदै समानतामा आधारित, न्यायपूर्ण, सभ्य र समुन्नत समाजको निर्माण गर्नेतर्फ अग्रसर हुन सबैमा हार्दिक आह्वान गरिएको छ ।

अन्तिम अपडेट: मंसिर ११, २०७८

1 Comments

  • Chandra bahadur karki

    Nov. 25, 2021, 3:56 p.m.

    महिला हिँसा मात्र होइन नेपालमा अहिले पुरुष हिँसा भै रहेको छ,यता तिर पनि ध्यान जाओस् / किन आइमाईलाई जे मन लाग्यो सोही गर्दैछ नेपाल मा...??? हामी नेपाल मै बस्दा सरकार ले रोजगार दिँदैन, त्यही सुवस्नी पालन लाउन खाना दिनको लागि बाध्यताले खाडी मुलुक जानु पर्छ, अनि घर छोडेर हिँडेको भोलि देखि त्यही श्रीमती महिला नाठो खेलौना थाल्छ महिना पुगेर salary तलब पैसा घर मा पठाउँदा त्यही पैसा लिएर होटल लाउज मा केटा बोलाएर मोस्ती मर्छन् रगत पोसिन सरी भएर विदेश प्रदेमा अर्का को गाली गलोज सहेर 45%को घाम मा खटेर कमाएको पैसा 3/4 वर्ष पोच्छि घर फर्किंदा नत कमाएको पैसै हुन्छ नत सुवस्नि हुन्छ घर मा 100/75% यस्तो भै रहेको छ नेपाल मा अहिले महिला हिँसा हैन महिला ले पुरुष हिँसा गरी रहेका छ । यस विषय मा गम्भीर ध्यन्याकर्सन जाओस् ।र यस विषय को एउटा छुट्टै एईन् कानुन को व्यवस्था हुनु पार्यो नेपाल मा ताकि यस्तो घटना कदापि नहोस् यस विषय ले कति पय को मृत्यु नै भाको छ र कति पया घर बास विहिन भै रहेको छ कति पया बाल बच्चा हरु टुहुरा भयर बिजोक छ यस विषय मा गम्भीर ध्यन्या कर्सन्न जाओस् राष्ट्र पती प्रधान मन्त्री न्याए लय प्रधान न्यााधीशस सर्वोच्च अदालतले पनि यस विषय लाई मध्ये नजर राख्दै यस्ता घटना नहुने गरी नेपाल को ऐन कानुन मा उल्लेख गरी कडा भन्दा कडा कारबाही को व्यवस्था गर्नुहोस /

  •  0 Reply

तपाईको प्रतिक्रिया