नयाँ एेनमा प्रेस स्वतन्त्रता विरोधी प्रावधान हटाउन माग गर्दै पत्रकार महासंघले प्रदर्शन गर्ने

भदौ २२, २०७५ शुक्रबार ९:६:३० | उज्यालो सहकर्मी

काठमाडौं – भदौ १ गतेबाट लागू भएको मुलुकी देवानी र फौजदारी संहितामा व्यवस्था भएका प्रेस तथा अभिब्यक्ति स्वतन्त्रता विरोधी प्रावधान हटाउन माग गर्दै नेपाल पत्रकार महासंघले शुक्रबार प्रदर्शन गर्दैछ ।

प्रेस तथा अभिव्यक्ति स्वतन्त्रताविरोधी प्रावधान तत्काल हटाउन थप दबाब दिन शुक्रबार सञ्चार सामाग्रीसहित दिउँसो साढे २ बजेपछि नयाँ बानेश्वरमा प्रदर्शन गर्न लागेको महासंघका अध्यक्ष गोविन्द आचार्यले जानकारी दिनुभयो । महासंघले यसअघि सभामुख कृष्णबहादुर महरा तथा सञ्चार तथा सुचना प्रविधि मन्त्री गोकुल बाँस्कोटा तथा हरेक जिल्ला प्रशासन कार्यालय मार्फत सरकारलाई ज्ञापनपत्र बुझाएर यस्ता प्रावधान तत्काल संशोधन गर्न आग्रह गरेको थियो ।

नयाँ ऐनका केही प्रावधानहरुले प्रेस तथा अभिव्यक्ति स्वतन्त्रतालाई गम्भीर असर पार्ने देखिएकाले ती बुँदाहरु संशोधन गरी पूर्ण प्रेसमैत्री बनाउनुपर्ने माग सुनुवाई नभए चरणबद्ध रुपमा कडा आन्दोलन गर्ने अध्यक्ष आचार्यले बताउनुभयो ।

अन्तिम अपडेट: चैत १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्