पीएम कप : आर्मीले अन्तिम बलमा लक्ष्य भेटायाे

पुष ३०, २०७८ शुक्रबार १३:२९:२२ | उज्यालो सहकर्मी

काठमाण्डाै – प्रधानमन्त्री कप टी–२० राष्ट्रिय क्रिकेट प्रतियोगितामा त्रिभुवन आर्मी क्लबले सुदूरपश्चिम प्रदेशलाई हराएको छ ।

आज शुक्रवार मुलपानी क्रिकेट मैदानमा भएको समूह 'ए' को खेलमा आर्मीले सुदूरपश्चिमलाई तीन विकेटले हरायो । सुदूरपश्चिमले दिएको एक सय १६ रनको लक्ष्य आर्मीले २० ओभरमा सात विकेट गुमाएर भेटायो । आर्मीका लागि हरि चौहनले ३३ र विक्रम सोबले २९ रन बनाए । बलिङतर्फ सुदूरपश्चिमका आदित्य महताले चार विकेट लिए ।

यसअघि टस हारेर ब्याटिङ गरेको सुदूरपश्चिमले निर्धारित २० ओभरमा अलआउट हुँदै एक सय १५ रन बनायो । सुदूरपश्चिमका लागि खडक बोहराले ३७ र वसन्त कार्कीले ३४ रन बनाए । बलिङतर्फ आर्मीका लागि विक्रम सोबले ६ विकेट लिए ।

यो जितसँगै आर्मीले चार खेलमा पाँच अङ्क जोडेको छ । एक खेल कम खेलेको सुदूरपश्चिमको दुई अङ्क छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्