दुर्गा प्रसाईंलाई अदालतमा उपस्थित गराउन सर्वोच्चको आदेश

मंसिर ९, २०८१ आइतबार १७:५४:४३ | उज्यालो सहकर्मी

काठमाण्डाै – सर्वोच्च अदालतले मेडिकल व्यवसायी दुर्गा प्रसाईंलाई सर्वोच्च अदालतमै उपस्थित गराउन आदेश लिएको छ ।

प्रसाईंका छोरा निराजन प्रसाईंले बुबाको पक्राउ गैरकानूनी भएको भन्दै सर्वोच्चमा बन्दी प्रत्यक्षीकरणको रिट दर्ता गराउनुभएको थियो । रिटमाथि सुनुवाइ गर्दै न्यायाधीश मनोजकुमार शर्माको इजलासले प्रसाईंलाई सर्वोच्च अदालतमा उपस्थित गराउन आदेश दिएको हो । इजलासले प्रसाईँलाई पक्राउ गर्नुको कारणसहित जवाफ दिन पनि विपक्षी अर्थात् प्रहरीको नाममा आदेशसमेत जारी गरेको छ ।

प्रधानमन्त्री केपी शर्मा ओलीले कम्बाेडियामा ३२ अर्ब रुपैयाँ गैरकानूनी लगानी गरेको जिकिर गर्दै कागजात सार्वजनिक गरेका प्रसाईंलाई गएको मङ्गलवार प्रहरीको साइबर ब्युरोले पक्राउ गरेको थियो । उनीमाथि विद्युतीय कारोबार र कीर्तेको कसूरमा पनि अनुसन्धान भइरहेको छ ।

यसैबीच जिल्ला अदालत काठमाण्डौले दुर्गा प्रसाईंलाई थप पाँच दिन थुनामा राखेर अनुसन्धान गर्न अनुमति दिएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दुर्गा प्रसाईंलाई अदालतमा उपस्थित गराउन सर्वोच्चको आदेश

फाइल फाेटाे

तपाईको प्रतिक्रिया