अस्ट्रेलियाद्वारा दोस्रो पटक नोभाक जोकोभिचको भिसा रद्द

माघ १, २०७८ शनिबार ८:२५:२९ | उज्यालो सहकर्मी

अस्ट्रेलियाले दोस्रो पटक टेनिस स्टार नोभाक जोकोभिचको भिसा रद्द गरेको छ ।

यो निर्णयसँगै उनी आउँदो सोमवारदेखि सुरु हुने १०औँ अस्ट्रेलियन ओपन टेनिसमा सहभागी नहुने सम्भावना बढेको छ । त्यहाँका आप्रवासन मन्त्री एलेक्स हकले आफ्नो अधिकार प्रयोग गर्दै जोकोभिचको भिसा रद्द गर्ने निर्णय गर्नु भएको हो । उहाँले गृह मन्त्रालय तथा सुरक्षा बल र जोकोभिचको कागजात अध्ययन गरेर यो निर्णय गरेको बताउनु भएको छ ।

जोकोभिचले कोरोना भाइरसविरुद्धको खोप नलगाएकाले भिसा रद्द गरिएको अस्ट्रेलिया सरकारले जनाएको छ । दोस्रो पटक रद्द भएसँगै उनले अब ३ वर्षसम्म अस्ट्रेलियाको भिसा पाउने छैनन् । जोकोभिचका वकिलले सरकारको यो निर्णयलाई तर्कहीन भनेका छन् । उनले यस विरुद्ध अपिल गर्ने बताएका बीबीसीले जनाएको छ ।

यसअघि गएको जनवरी ६ तारिखमा उनको भिसा रद्द गरिएको थियो । तर, जनवरी १० तारिखमा सङ्घीय अदालतले जोकोभिचको भिसा रद्द गर्ने सरकारको निर्णय खारेज गरेको थियो । यसैबीच, अस्ट्रेलियाका प्रधानमन्त्री स्कट मोरिसनले जोकोभिचको भिसा रद्द कोरोना महामारी विरुद्ध सही कदम भएको बताउनु भएको छ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्