युट्युबमा हेरेर व्यावसायिक कालिज पालन

माघ २, २०७८ आइतबार १८:१९:३० | माधवकुमार ओली

रोल्पा – रोल्पामा पहिलो पटक व्यावसायिक रुपमा कालिज पालन सुरु भएको छ । कालिज पालनको भिडिओ युट्युबमा हेरेर प्रभावित भएका एक युवाले आफ्नाे व्यक्तिगत लगानीमा कालिज पालन व्यवसाय सुरु गरिएकाे हाे ।

रोल्पाको परिवर्तन गाउँपालिका–५ राङकोटका मिलन रोकाले केही महिना अघि युट्युबमा कालिज पालनको बारेमा भिडिओ हेर्नुभयाे । जिल्लामै केही नयाँ व्यवसाय गर्ने सोच बनाइरहनु भएका रोकाका लागि त्याे भिडिओ नै नयाँ व्यवसायको मार्गदर्शन बन्न पुग्यो । फलस्वरुप सदरमुकाम लिबाङमा जग्गा भाडामा लिएर करिब २० लाख रुपैयाँ लगानीमा कालिज पालन व्यवसाय सुरु गरेको रोकाकाे भनाइ छ ।

‘खोर निर्माण, चल्ला खरिद, जग्गा भाडा गरेर २० लाख रुपैयाँ बढी लगानी भइसक्यो’ रोकाले भन्नुभयो, ‘अझै थप लगानीकै क्रममा छ ।’

हाल व्यक्तिगत लगानी मात्रै रहेको यस व्यवसायमा केही अनुदान पाए हेचरी मेसिन लिएर कालिजको चल्ला यहीँ उत्पादन गर्ने रोकाको योजना छ । जिल्लामै पहिलो पटक सुरु भएको कालिज पालनलाई थप विस्तार गर्न कुनै कार्यक्रम नभए पनि नयाँ व्यवसाय भएकाले केही अनुदान सहयोग गर्न सकिने भेटेरिनरी अस्पताल तथा पशु सेवा विज्ञ केन्द्र रोल्पाका प्रमुख सुकइप्रसाद चौधरीको भनाइ छ ।

प्रदेश सरकारबाट प्रत्येक स्थानीय तहमा कुनै नयाँ किसिमको काम गरेका कृषकलाई अनुदान दिने कार्यक्रम रहेकाले रोकालाई सोही अनुदान दिन सकिने चौधरीले बताउनुभयाे ।

‘स्थानीय तहसँगको सहकार्यमा दिने भएकाले यहाँका मेयरसँग कुरा गरेर उक्त कार्यक्रमबाट उहाँलाई सहयोग गर्न सकिन्छ’ चौधरीले भन्नुभयो, ‘त्यसका लागि रोल्पा नगरपालिकाका मेयरसँग सल्लाह गर्दैछौं ।’

कालिजको मासु स्वास्थ्यका लागि पनि लाभदायक मानिन्छ । तर यसको लागत अनुसार मूल्य केही महङ्गो पर्ने भएकाले जिल्लामा कम खपत् हुने अनुमान गरिएको छ । रोकाले एउटा कालिजलाई दुई हजार रुपैयाँका दरले बिक्री गरिरहनुभएकाे छ ।

अन्तिम अपडेट: चैत २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्