फेरि पनि प्रदीपकै जोडी जसिता

भदौ २६, २०७५ मंगलबार ११:३८:१४ | उज्यालो सहकर्मी

अभिनेत्री जसिता गुरुङ केही समयको ग्याप पछि फेरि चलचित्र नगरीमा फर्किएकी छन् । चलचित्र लिलिबिलीमा अभिनय गरे पछि उनी केही समय टाढा रहिन् ।

उनी टाढा चलचित्र नपाएर भएकी हुन् वा आफ्नै काममा व्यस्त थिइन ? त्यो भने उनैलाई थाहा होला, खैर जे भए पनि उनी अब पुनः चलचित्र नगरीमा फर्किएकी छन् त्यो पनि नायक प्रदीप खड्काकै जोडि बनेर । चलचित्र लिलिबिलीमा पनि यही जोडीलाई दर्शकले मन पराएका थिए ।

त्यसो त प्रदीप र जसिता अहिले एक अर्काको प्रेममा रहेको र प्रदीपलाई नसोधि जसिता कुनै चलचिमा काम नगर्ने हल्ला चलचित्र नगरीमा व्यापक छ । चलचित्र ललिबिली प्रदर्शनको समयमा नै अभिनेता प्रदीप खड्का र अभिनेत्री जसिता गुरुङको प्रेम चर्चा सुरु भएको थियो । तर उनीहरु आफैँले भने यो कुरा स्वीकार गरि सकेका छैनन् ।

असोज ५ गतेबाट छायांकनमा जाने फिल्म लभ स्टेशनमा प्रदीप र जसिताको जोडी नै देखिन लागेको हो । लभ स्टोरी जनरामै निर्माण हुन लागेको यो चलचित्रलाई उज्वल घिमिरेले निर्देशन गर्दैछन् ।

दार्जलिङ, सिक्किम लगायतका क्षेत्रहरुमा यो चलचित्रको छायांकन हुनेछ । गोविन्द शाही र प्रदीपले मिलेर यो सिनेमा बनाउन लागेका हुन् ।

–उज्यालाे र गफगाफ डटकमकाे सहकार्य

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्