जापानले दियो घरघरमै पुगेर स्वास्थ्य सेवा दिन मिल्ने मोबाइल मेडिकल कार

भदौ २६, २०७५ मंगलबार १३:५८:३१ | उज्यालो सहकर्मी

काठमाडौं – नेपालको दूर्गम क्षेत्रका नागरिकहरुलाई घरदैलोमै पुगेर गुणस्तरीय स्वास्थ्य सेवा पुर्याउने उद्देश्यले जापान सरकारको तर्फबाट सिरहामा रहेको फूलकुमारी महतो मेमोरियल अस्पताललाई मोबाइल मेडिकल कार प्रदान गरिएको छ ।

नेपालका लागि जापानका राजदूत मासामीशी साइगोले मंगलबार एक कार्यक्रमकाबीच मोबाइल क्लिनिक फूलकुमारी महतो मेमोरियल अस्पतालका मेडिकल डाइरेक्टर डा. शिवशंकर शाहलाई हस्तान्तरण गर्नुभयो ।

टोयोटा हायस गाडीलाई जापानी कम्पनीटोयो फ्याक्ट्रीले मोबाइल क्लिनिकको स्वरुप प्रदान गरी उपलब्ध गराएको हो । त्यो मोबाइल मेडिकल क्लिनिकबाट सिरहा, सप्तरी, उदयपुर, सिन्धुली र धनुषाका नागरिकले लाभ पाउने छन् ।

जापानमा अध्ययनरत् नेपालीलगायतका विश्वका विभिन्न देशका विद्यार्थीहरुको संस्था आइज्याक नेपालको पहलमा जापान सरकारको ग्रास रुट परियोजना अन्तरगत त्यो कार नेपाललाई प्राप्त भएको हो ।

अन्तिम अपडेट: फागुन २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्