अस्ट्रेलियाका केही खेलाडीले पाकिस्तानमा हुने क्रिकेट शृङ्खला नखेल्न सक्ने

 माघ २४, २०७८ सोमबार १८:२८:५ | उज्यालो सहकर्मी
unn.prixa.net

पाकिस्तानकाे रावलपिन्डी क्रिकेट स्टेडियम

काठमाण्डाै – अस्ट्रेलियाका केही क्रिकेट खेलाडीले पाकिस्तानको भ्रमण नगर्ने भएका छन् । सुरक्षाका कारण एक/दुई जना खेलाडीले पाकिस्तानसँग हुने शृङ्खलाका लागि भ्रमण नगर्ने सम्भावना रहेको अस्ट्रेलियन क्रिकेटर एसोसिएशनलाई उद्धृत गर्दै क्रिकइन्फोले जनाएको छ ।

अस्ट्रेलियाकाे क्रिकेट टोली २४ वर्षपछि आउँदो मार्च महिनामा क्रिकेट खेल्न पाकिस्तानको भ्रमणमा जाँदैछ । अस्ट्रेलियन क्रिकेटर एसोसिएशनका प्रमुख कार्यकारी टोड ग्रिनबर्गले कतिपय खेलाडी सुरक्षाको डरले पाकिस्तान प्रवेश गर्न हिच्किचाइरहेको बताएका छन् । २४ वर्षपछि पाकिस्तान भ्रमण हुन लागेकाले सकभर अस्ट्रेलियाकाे पूर्ण र बलियो टोली नै सहभागी हुने सम्भावना रहेको छ तर एक दुई जना खेलाडी नजान सक्ने खबरमा उल्लेख छ ।

अस्ट्रेलियाका कप्तान प्याट कमिन्सले पनि गएकाे हप्ता भएको एक पत्रकार सम्मेलनमा पाकिस्तान भ्रमणमा नजाने खेलाडीको निर्णयमा आफ्नो समर्थन रहने बताएका थिए । क्रिकेट अस्ट्रेलियाले पाकिस्तानको सुरक्षा अवस्थाबारे बुझ्न गएको डिसेम्बरमा कर्मचारीको प्रतिनिधिमण्डल पाकिस्तान पठाएको थियो । पाकिस्तानले खेलाडीको सुरक्षामा कुनै कसर बाँकी नराख्ने जनाएको छ ।

पाकिस्तान र अस्ट्रेलियाबीच कराँची, लहोर र रावलपिन्डीमा तीन खेलको टेस्ट शृङ्खला, तीन खेलको एकदिवसीय र एक खेलको टी–२० शृङ्खला हुँदैछ । पाकिस्तान भ्रमणमा जाने अस्ट्रेलियाको टोली भोलि मङ्गलवार घोषणा हुने सम्भावना छ । 

अन्तिम अपडेट: मंसिर १०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

पाकिस्तानमा धार्मिक हिंसा भड्किँदा कम्तीमा ३२ जनाको ज्यान गयो

२

नयाँ बसपार्कबाट मात्रै सार्वजनिक बस सञ्चालन गर्ने काठमाण्डौ महानगरको निर्णय कार्यान्वयन भएन

३

तीन जना निर्विरोध भएपछि अब ४१ पदको लागि उपचुनाव, काठमाण्डौको कीर्तिपुर बढी चर्चामा

४

प्रधानमन्त्री ओलीको काम नै ‘सरकार ढल्दैन’ भनेर भाषण गर्ने : विप्लव

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई