प्रशारण लाइनको क्षमता कमजोर भएकाले लोडसेडिङ भयो : कार्यकारी प्रमुख घिसिङ

भदौ २८, २०७५ बिहीबार १८:५६:५४ | उज्यालो सहकर्मी

काठमाडौं – नेपाल विद्युत प्राधिकरणले विद्युत प्रशारण लाइनको क्षमता कमजोर भएकाले लोडसेडिङको समस्या देखिएको जनाएको छ ।

नेपाल विद्युत प्राधिकरणका कार्यकारी निर्देशक कुलमान घिसिङले विद्युत प्रशारण लाइनको क्षमता कमजोर भएकाले समाप्त भइसकेको लोडसेडिङको समस्या बल्झिएको बताउनुभएको हो ।

बिहीबार काठमाडौंमा आयोजित एक अन्तर संवाद कार्यक्रममा बोल्दै उहाँले ती समस्या समाधानका लागि प्राधिकरणले विशेष योजना बनाएर कामलाई अघि बढाएको पनि जानकारी दिनुभयो ।

कार्यकारी निर्देशक घिसिङले तत्कालका लागि राष्ट्रपति कार्यालय, प्रधानमन्त्री कार्यालयजस्ता महत्वपूर्ण ठाउँमा लोडसेडिङको समस्या कहिल्यै नआउने गरी पूर्वाधारको उचित व्यवस्था गर्न लागिएको बताउनुभयो ।

प्राधिकरणले विद्युतबाट हुने जोखिम न्यूनिकरणका लागि नाङ्गा तार विस्थापित गर्ने योजना पनि अघि सारेको छ । प्राधिकरणका कार्यकारी निर्देशक घिसिङले गाउँघरमा सामान्य नागरिकको समेत ज्यान जाने जोखिमपूर्ण अवस्था रहेकाले नाङ्गा तार विस्थापित गर्ने अभियानलाई पनि जोड दिइएको स्पष्ट पार्नुभयो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्