हिमालयन शेर्पा खप्तड गोल्ड कपकाे अन्तिम चारमा

फागुन २३, २०७८ सोमबार १९:४३:४६ | सीताराम ओझा

काठमाण्डाै – शहीद स्मारक 'ए' डिभिजन क्लब हिमालयन शेर्पा पाँचौँ मुख्यमन्त्री सुदुरपश्चिम खप्तड गोल्ड कप फुटबल प्रतियोगिताको सेमिफाइनलमा प्रवेश गरेको छ । धनगढी रङ्गशालामा आज साेमवार भएको खेलमा आयोजक तथा साविक विजेता सुदूरपश्चिम–११ स्पोर्ट्स क्लबलाई दुई–एक गोल अन्तरले हराउँदै हिमालयन अन्तिम चारमा पुगेको हो ।

प्रतिस्पर्धात्मक खेलमा हिमालयनलाई जिताउन पिस्टन मुटाम्बा र सुरेश कुमालले एक–एक गोल गरे । खेलको ३४ औँ मिनेटमा पिस्टनले गोल गर्दै हिमालयनलाई अग्रता दिलाए । ५५ औँ मिनेटमा सुरेशले गोल गरेपछि हिमालयन दुई–शून्यले अघि रह्यो । त्यसपछि खेलको ६७ औँ मिनेटमा सुदूरपश्चिमका विवेक पण्डितले आत्मघाती गोल गरेपछि हिमालयन दुई–एकले विजयी भयो ।

प्रतियोगिताअन्तर्गत भाेलि मङ्गलवार मच्छिन्द्र क्लब र बाग्मती युवा क्लबबीच प्रतिस्पर्धा हुनेछ ।

खेलपछि प्रतिक्रिया दिँदै हिमालयन शेर्पा क्लबका प्रशिक्षक युगलकिशोर राईले सुदूरपश्चिम–११ ले सोचेभन्दा निकै अब्बलको प्रदर्शन गरे पनि गाेल गर्न नसकेकाे बताए ।

खेलपछि प्रतिक्रिया दिँदै सुदूरपश्चिम–११ स्पोर्ट्स क्लबका प्रशिक्षक गजेन्द्र शाहीले धेरै समय बल आफ्नो पक्षमा राख्दा राख्दै पनि गोल गर्न नसकेकाे बताए ।

आयोजक सुदुरपश्चिम–११ स्पोर्ट्स क्लब धनगढीले आयोजना गरेको प्रतियोगितामा १० टिमको सहभागिता रहेको छ । सर्वाधिक धनराशीकाे प्रतियोगिताको विजेताले २१ लाख रुपैयाँ र उपविजेताले १० लाख रुपैयाँ प्राप्त गर्नेछ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्