धनकुटा – धनकुटा नगरपालिकाको मेयरमा पुनः नेकपा एमालेका उम्मेदवार चिन्तन तामाङ विजयी भएका छन् । 

मुख्य निर्वाचन अधिकृतको कार्यालयले आज दिउँसो सार्वजनिक गरेको अन्तिम मत परिणामअनुसार सात हजार ६ सय ६६ मतसहित एमाले उम्मेदवार तामाङ विजयी हुनुभएको हो । उहाँका प्रतिस्पर्धी नेपाली कांग्रेसका उम्मेदवार दिनेश राईले सात हजार ६ सय ५२ मत प्राप्त गर्नुभयो । गठबन्धनको तर्फबाट उम्मेदवार बन्नुभएका कांग्रेस जिल्ला सभापति राई १४ मतको झिनो अन्तरले पराजित हुनुभयो ।    

उपमेयरमा पनि एमालेकै उम्मेदवार भीमादेवी खनाल विजयी हुनुभएको छ । गठबन्धनका तर्फबाट उम्मेदवार बन्नुभएका नेकपा माओवादी केन्द्रका गणेश विष्टलाई पाँच सय ६७ मतान्तरले पराजित गर्दै एमालेकी उम्मेदवार खनाल विजयी हुनुभएको हो । खनालले सात हजार एक सय ९६ मत प्राप्त गर्दा विष्टले ६ हजार ६ सय २९ मत प्राप्त गर्नुभयो ।    

१० वडा रहेको नगरपालिकामा नेकपा एमाले वडा नं. १, २, ४, ८ र ९ मा विजयी भएको छ भने कांग्रेस वडा नं. ३, ५, ६, ७ र १० मा विजयी भएको छ ।