एकीकृत समाजवादीकाे विजय जुलुसमा एमाले कार्यकर्ताद्वारा ढुङ्गामुढा

 जेठ ३, २०७९ मंगलबार १७:४८:४३ | डीबी बिष्ट
unn.prixa.net

फाइल फाेटाे

बझाङ – बझाङको थलारा गाउँपालिका वडा नम्बर ९ मा विजय जुलुस मनाउने क्रममा ढुङ्गामुढा प्रहार हुँदा आठ जना घाइते भएका छन् ।

थलारा गाउँपालिकाको वडा नम्बर ९ को वडाध्यक्षमा नेकपा एकीकृत समाजवादीले जितेपछि विजय जुलुस मनाउने क्रममा एमालेका कार्यकर्ताले ढुङ्गामुढा गरेका थिए । ढुङ्गामुढा गर्दा एकीकृत समाजवादीका आठ जना घाइते भएका हुन् । घाइतेमध्ये तीन जनाको अवस्था गम्भीर  छ । घटनास्थल वरिपरिको सुरक्षा व्यवस्था कडा पारिएको प्रहरीले जनाएको छ ।  

थलाराको वडा नम्बर ९ मा एकीकृत समाजवादीका लोकेन्द्रबहादुर विष्ट ४ सय ८७ मत ल्याएर विजयी बन्नुभएको हो  भने उहाँका प्रतिस्पर्धी एमालेका हिराप्रकाश भण्डारीले चार सय ३८ मत ल्याउनुभएको थियो । 

अन्तिम अपडेट: साउन १, २०७९

डीबी बिष्ट

डीबी बिष्ट बझाङका  उज्यालो सहकर्मी हुनुहुन्छ । 

तपाईको प्रतिक्रिया