जुम्लाको तिला गाउँपालिकाको अध्यक्ष र उपाध्यक्षमा माओबादी केन्द्र विजयी

जेठ ४, २०७९ बुधबार ७:६:१९ | नेत्र शाही

जुम्ला – जुम्लाको तिला गाउँपालिकाको अध्यक्षमा माओबादी केन्द्रका मोतिलाल रोकाया र उपाध्यक्षमा गोरीकला बुढा विजयी भएका छन ।

रोकायाले नेपाली कांग्रेसका एकराज उपाध्यायलाई २१ मत अन्तरले पराजित गर्नु भएको हो । उहाँले १ हजार ९ सय ३६ मत प्राप्त गर्नुभयो । उहाँका प्रतिद्धन्द्धी नेपाली कांग्रेसका एकराज उपाध्यायले १ हजार ९ सय १५ मत प्राप्त गर्नुभयो ।

त्यस्तै उपाध्यक्ष तर्फ नेकपा माओबादी केन्द्रकी गोरीकला बुढा (कल्पना) विजयी हुनुभयो । उहाँले २ हजार ४ मत प्राप्त गर्नुभयो । उहाँको प्रतिद्धन्द्धी कांग्रेसकी सुस्मा श्रेष्ठले भने १ हजार ८ सय ७ मत प्राप्त गर्नुभयो ।

२०७४ को निर्वाचनमा तिला गाउँपालिकामा नेकपा एमालेबाट रतन नाथ योगी अध्यक्षमा निर्वाचित हुनु भएको थियो । माओवादी केन्द्रकी बिष्णुमाया बुढा उपाध्यक्षमा निर्वाचित हुनु भएको थियो ।

यस पटक तिला गाउपालिकामा ६ हजार ३ सय ३१ मत खसेको थियो । तिलामा जित हासिल गरेसँगै नेकपा माओबादी केन्द्रले दुई पालिका अध्यक्ष र ४ उपाध्यक्ष जितेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्