अमेरिका भ्रमणबारे प्रधानमन्त्री देउवाले संसद्, समिति र देशलाई जानकारी दिनुपर्छ : नेपाल

जेठ ३०, २०७९ सोमबार १५:५५:४३ | उज्यालो सहकर्मी

काठमाण्डाै – नेकपा (एकीकृत समाजवादी) का अध्यक्ष माधवकुमार नेपालले प्रधानमन्त्री शेरबहादुर देउवाले अमेरिका भम्रणबारेमा संसद्, समिति र देशलाई जानकारी दिनुपर्ने बताउनुभएको छ ।

आज सोमवार प्रतिनिधि सभाअन्तर्गतको अन्तर्राष्ट्रिय सम्बन्ध समितिमा परराष्ट्र नीतिबारे बोल्दै अध्यक्ष नेपालले प्रधानमन्त्रीको अमेरिका भ्रमणको विषयमा धेरै प्रश्न उठेको भन्दै प्रधानमन्त्रीले संसद्, समिति र देशलाई जानकारी दिनुपर्ने बताउनुभएको हो । उहाँले भ्रमणमा देशलाई उचित हुनेभन्दा बाहेक अन्य कुनै पनि गतिविधि सरकारले गर्न नहुने बताउनु भयो ।

परराष्ट्र नीतिको विषयमा कुनै पनि किसिमको दबाब र धम्की स्वीकार्य नहुने अध्यक्ष नेपालकाे भनाइ छ । आफूले पहिलाे पटक नेपालमा विदेशी सेना रहेको सुनेको र विदेशी सेना नेपालमा आएर बस्नु गम्भीर विषय रहेको भन्दै उहाँले समितिमा सरकारको ध्यानाकर्षण गर्न माग गर्नुभयो ।

उहाँले भन्नुभयो, ‘नेपालले कुनै पक्षमा नलाग्ने असंग्लन परराष्ट्र नीति लिएकाे छ । यो मामिलामा कुनै किसिमको दबाब, धम्की हामीलाई स्वीकार्य हुन सक्दैन । परराष्ट्र नीति कस्तो बनाउने र कसरी अगाडि लैजाने विषयमा देशप्रति माया गर्ने राष्ट्रिय शक्तिहरूको बीचमा नै छलफल गर्ने आवश्यकता पर्छ । प्रधानमन्त्रीकाे अमेरिका भम्रणको कुरा पनि आएकाे छ । भम्रणका विषयमा संसद्, समिति र देशले जानकारी पाउनुपर्छ । भ्रमणमा कुनै पनि अनुचित कामहरू हुनुहुँदैन ।’

अध्यक्ष नेपालले सरकारले लिने वैदेशिक ऋणका प्रावधानहरूमा धेरै त्रुटि रहेको भन्दै परिर्वतन गर्नुपर्ने बताउनुभयो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्