अफ्रिकी देश चाडका राष्ट्रपतिको निवासमा बन्दुकधारीको हमला, १९ जनाकाे ज्यान गयाे

पुष २५, २०८१ बिहीबार १८:२९:२९ | एजेन्सी

अफ्रिकी देश चाडका राष्ट्रपति महामत इदरीस डेबी इटनाको निवासमा बन्दुकधारीले हमला गरेका छन् । हमलाका क्रममा सुरक्षाकर्मी र आक्रमणकारीबीच भीडन्त हुँदा १९ जनाको ज्यान गएको छ ।

ज्यान गुमाउनेमा १८ जना २४–कमान्डो युनिटका आक्रमणकारी र एक जना सरकारी सुरक्षाकर्मी रहेका समाचार संस्था एएफपीले जनाएको छ । ६ जना घाइते भएका छन् ।

आक्रमणबाट राष्ट्रपति र राष्ट्रपति भवन सुरक्षित रहेको सरकारका प्रवक्ता तथा परराष्ट्रमन्त्री अब्देरमान कुलामल्लाहले बताउनुभएको छ । गोलीबारीको केही घण्टाअघि चिनियाँ विदेशमन्त्री वाङ यीले राष्ट्रपति महामत इदरीस डेबी इटनो र अन्य वरिष्ठ अधिकारीहरूसँग भेट गर्नुभएको थियो । आक्रमणकारीले राष्ट्रपति परिसरमा प्रवेश गर्नुअघि प्रहरीमाथि आक्रमण गरेका थिए ।

भूपरिवेष्ठित चाडमा सैन्य शासन छ । जहाँ बोको हरामले नियमित आक्रमण गरिरहन्छ । भर्खरैमात्र चाडले पूर्व औपनिवेशिक शक्ति फ्रान्ससँगको सैन्य सम्झौता अन्त्य गरेको छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अफ्रिकी देश चाडका राष्ट्रपतिको निवासमा बन्दुकधारीको हमला, १९ जनाकाे ज्यान गयाे

तस्वीर : एएफपी

तपाईको प्रतिक्रिया