नेपाली भू–भाग डुबानमा पर्ने गरी सीमा क्षेत्रमा भौतिक संरचना नबनाउन भारतलाई आग्रह

जेठ ३१, २०७९ मंगलबार १७:४१:० | उज्यालो सहकर्मी

काठमाण्डाै – नेपाली भू–भाग डुबानमा पर्ने गरी सीमा क्षेत्रमा भौतिक संरचना नबनाउन नेपाल सरकारले भारतलाई आग्रह गरेको छ ।

परराष्ट्र मन्त्रालयका लागि विनियोजित बजेटसँग सम्बन्धित रहेर संसदमा सांसदहरूले सोधेका प्रश्नहरूको जवाफ दिँदै परराष्ट्रमन्त्री डा. नारायण खड्काले नेपालको सहमतिविना सीमा क्षेत्रमा बनिरहेका संरचनाको निर्माण कार्य तत्काल रोक्न आग्रह गरिएको बताउनुभयो ।

यस्तै मन्त्री खड्काले कालापानी, लिपुलेक, लिम्पियाधुरा क्षेत्रमा एक पक्षीय ढङ्गबाट गरिने निर्णय नेपाललाई मान्य नहुने पनि बताउनुभएको छ । साथै उहाँले महाकाली नदीमा बेपत्ता भएका जयसिंह धामीको सम्बन्धमा आवश्यक सबै पहल भइरहेको जानकारी दिनुभयो । गएको वर्ष साउनमा दार्चुलाको व्यास गाउँपालिका मालघाटमा महाकाली नदी पार गर्दा भारतीय एसएसबीका सुरक्षाकर्मीले तुइन काटिदिँदा धामी महाकाली नदीमा खसेर बेपत्ता हुनुभएको थियो ।

यस्तै परराष्ट्रमन्त्री खड्काले नेपाल–भारत प्रबुद्ध व्यक्ति समूह (ईपीजी) को प्रतिवेदन बुझ्न नेपाल सरकार तयार रहेको बताउनुभएको छ । नेपाल–भारत बीचमा रहेका सन्धि तथा समझदारीको पुनरावलोकन एवम् द्विपक्षीय सम्बन्धका समग्र पक्षमा अध्ययन गरी सुझाव दिने गरी सन् २०१६ मा ईपीजी गठन भएको थियो । ईपिजीले प्रतिवेदन तयार पारिसकेको छ । तर भारतका प्रधानमन्त्री नरेन्द्र मोदीले बुझ्न समय नदिँदा यो प्रतिवेदन तयार भएर पनि सार्वजनिक हुन सकेको छैन ।

यस्तै प्रधानमन्त्री शेरबहादुर देउवाको आसन्न अमेरिका भ्रमणलाई शङ्काका रूपमा नलिन पनि मन्त्री खड्काले आग्रह गर्नुभएको छ ।

अन्तिम अपडेट: पुस २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपाली भू–भाग डुबानमा पर्ने गरी सीमा क्षेत्रमा भौतिक संरचना नबनाउन भारतलाई आग्रह

फाइल फाेटाे

तपाईको प्रतिक्रिया