प्रचण्डले झुट बाेलिरहेका छन्, एसपीपी हामीले अस्वीकार गरेका थियाैँ : केपी ओली

असार ३, २०७९ शुक्रबार १८:५९:८ | उज्यालो सहकर्मी

काठमाण्डाै – नेकपा एमालेका अध्यक्ष केपी शर्मा ओलीले अमेरिकासँग स्टेट पार्टनरशिप प्रोग्राम (एसपीपी) आफू नेतृत्वको सरकारले अगाडि बढाएको भनेर माओवादी केन्द्रका अध्यक्ष पुष्पकमल दाहालले हदैसम्मकाे झुट र बेइमानी कुरा गरेको बताउनुभएको छ ।

अध्यक्ष ओलीले सुशील कोइराला नेतृत्वको सरकारले सुरु गरेको, दाहाल नेतृत्वको सरकारले अघि बढाएको त्याे कार्यक्रम आफू नेतृत्वको सरकारले अस्वीकार गरेको तथ्यलाई बिर्सेर दाहालले झुट र बेइमानीपूर्ण गरेको स्पष्टीकरण दिनुभएको हो ।

पार्टीबाट निर्वाचित पालिकाका जनप्रतिनिधिका लागि काठमाण्डाैमा आयाेजित प्रशिक्षण कार्यक्रममा बोल्दै उहाँले २०७४ साल वैशाख २४ गते दाहाल प्रधानमन्त्री भएका बेला तत्कालीन प्रधानसेनापति क्षेत्रीले त्याे कार्यक्रममा हामीलाई सहभागी गराउन पर्‍याे भनेर अमेरिकी सेनाको प्यासेफिक कमान्डलाई पत्राचार गरेको तथ्य नबिर्सन पनि सचेत गराउनुभयो ।

उहाँले भन्नुभयो, ‘केपी ओलीको पालामा नै एसपीपी आएकाे थियाे भनेर भ्रम चलाइरहेका छन् । २०७२ असोज ३ गते संविधान जारी भयो । ६ गते प्रधानमन्त्री, रक्षा मन्त्री एकैजना हुनुहुन्थ्याे सुशील कोइरालाजी । उहाँले रक्षा मन्त्रीको हैसिसतले एसपीपीमा नेपाल पनि पक्ष हुन पाओस् भनेर अमेरिकालाई आग्रह गर्दै निर्णय गर्नुभएको रहेछ । त्यो निर्णय असोज १३ गते सैनिक हेडक्वार्टरमा पठाइएको रहेछ । ६ गते उहाँले मन्त्रीस्तरीय निर्णय गर्नुभयो, १३ गते सैनिक हेडक्वार्टरमा पठाउनुभयो । यो कुरा हामीलाई कतै पनि बताइएन । २४ गते म संसदबाट निर्वाचित भए । २५ गते मैले शपथ ग्रहण गरेँ । तर १० गते त्यति बेलाका प्रधानसेनापति राजेन्द्र क्षेत्रीले अमेरिकी दूतावासलाई पत्र लेख्नुभएकाे रहेछ । साधारणतया प्रधानसेनापतिले त्यसरी पत्र लेख्दैन । रक्षा मन्त्रालयको काम हो त्यो । यो कुरा गुपचुपमै राखियो । पछि प्रचण्डजी प्रधानमन्त्री भएको बेला वैशाख २४ गते राजेन्द्र क्षेत्रीले नै प्रधानसेनापतिको हैसियतमा अमेरिकी सेनाको प्यासेफिक कमान्डलाई पत्र लेख्नुभएको रहेछ । १ जुन २०१९ मा हाम्रो सरकार भएको बेला इन्डोप्यासेफिक भन्ने कुरा ट्रम्पले ल्याए । त्यसभित्रकाे एउटा पानामा प्यासेफिक स्ट्राटिजीमा पछिल्लो पटक नेपाल र श्रीलङ्का पनि संलग्न भएका छन् भन्ने उनीहरूले उल्लेख गरे । त्यो उल्लेख गरेपछि हामीले त्यसलाई हेरेर यो कहाँबाट भयो ? हामी भएका छैनौँ भन्याैँ । उसको पार्टनरशिपमा हामी गएका छैनौँ र जाने कुरा पनि आउँदैन । अहिले प्रचण्ड चाहिँ याे केपी ओलीकाे पालामा अघि बढेकाे हाे भनेर झुट बाेलिरहेका छन् । झुट, बेइमानीको पनि हद हुन्छ नि । केपी ओलीको नेतृत्वमा त अस्वीकार गर्ने काम भयो । यस्ता भ्रममा पछि नपरौँ ।’

अध्यक्ष ओलीले आफू र आफ्नो पार्टी राष्ट्र र राष्ट्रियताको सवालमा सधैँ सचेत रहेको उल्लेख गर्दै अरूले फिँजाएको भ्रममा नपर्न पार्टीका नेता, कार्यकर्तालाई आग्रह गर्नुभयाे ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रचण्डले झुट बाेलिरहेका छन्, एसपीपी हामीले अस्वीकार गरेका थियाैँ : केपी ओली

फाइल फाेटाे

तपाईको प्रतिक्रिया