संसदमा प्रधानमन्त्रीको अनुपस्थिति : खेद प्रस्ताव पारित गराैँ - भीम रावल, अपमान भन्न मिल्दैन - पुष्पा भुसाल

असार ५, २०७९ आइतबार १२:१३:५९ | उज्यालो सहकर्मी

काठमाण्डाै - संसद्को अन्तर्राष्ट्रिय सम्बन्ध समिति बैठकमा प्रधानमन्त्री शेरबहादुर देउवाको अनुपस्थितिलाई लिएर विवाद भएको छ ।

प्रमुख विपक्षी दल नेकपा एमाले र सत्तापक्षकै माओवादी सांसदले प्रधानमन्त्री देउवाको आलोचना गरेपछि कांग्रेस सांसद बचाउमा उत्रिएका छन् । नेकपा एमालेका नेता भीम रावलले प्रतिनिधि सभाको अन्तर्राष्ट्रिय सम्बन्ध समितिमा प्रधानमन्त्री शेरबहादुर देउवाको अनुपस्थिति ‘खेदजनक’ भएको बताउनु भएको छ ।

समितिको बैठकले यो विषयमा खेद प्रस्ताव पारित गर्नुपर्ने उहाँको भनाइ छ । एसपीपीबारे प्रधानमन्त्री देउवाको जवाफ माग गरिएको तर जवाफ दिन प्रधानमन्त्री अनुपस्थित हुनुले आशङ्का उब्जाएको उहाँको टिप्पणी छ । उहाँले एसपीपीमा संलग्न हुँदैनौँ भनेर अमेरिकालाई पत्र पनि नलेख्ने र समितिमा पनि नआउने कुराले प्रधानमन्त्रीमाथि शङ्का उत्पन्न भएको बताउनु भएको हो ।

यसैबीच, नेपाली कांग्रेसकी सचेतक पुष्पा भुसालले प्रधानमन्त्री देउवाको बचाउ गर्नु भएको छ । उहाँले देउवाको अनुपस्थितिलाई संसदीय समितिको अपमान भन्न नमिल्ने बताउनु भएको छ। भुसालले अन्तर्राष्ट्रिय सम्बन्ध समितिले बोलाउँदा अनुपस्थित भएको विषयलाई समितिकै अपमानका रुपमा नलिन आग्रह गर्नु भएको छ ।

अमेरिका भ्रमण, एसपीपीलगायत विषयमा विवाद उत्पन्न भएपछि जवाफ दिन समितिले आज प्रधानमन्त्री देउवालाई बोलाएको थियो । समिति सभापति पवित्रा निरौला खरेलले प्रधानमन्त्री बैठकमा नगएर संसदीय समितिलाई अपमान गरेको बताउनु भएको थियो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्