एसपीपी चाहिँदैन भनेर अमेरिकालाई पत्र किन नपठाएकाे, कसले राेक्याे ? : रावल

 असार ६, २०७९ सोमबार १८:५३:५ | उज्यालो सहकर्मी
unn.prixa.net

फाइल फाेटाे

काठमाण्डाै – प्रमुख प्रतिपक्ष दल नेकपा एमालेका नेता एवम् सांसद भीम रावलले सरकारले अमेरिकालाई स्टेट पार्टनरशिप प्रोगाम (एमपीपी) मा सहभागी नहुने भनेर पत्राचार नगरेको भन्दै आपत्ति जनाउनुभएको छ । 

आज सोमवार संसद् भवन नयाँ बानेश्वरमा सञ्चारकर्मीहरूसँग कुराकानी गर्दै नेता रावलले सरकारले एसपीपीमा सहभागी नहुने भनेर अहिलेसम्म अमेरिकालाई पत्राचार नगरेको भन्दै आपत्ति जनाउनुभएको हो । उहाँले अमेरिकाले नेपालले सम्झौता रद्द गर्न सक्ने भनेर भनेको भए पनि नेपाल सरकारले पत्राचार गर्न नसकेको बताउनुभयो । 

नेता रावलले पत्र नपठाउनुको कारण के हो ? भनेर सरकारलाई प्रश्नसमेत गर्नुभयो । उहाँले भन्नुभयो, ‘अमेरिकी राजदूतावासले नेपालले चाह्याे भने एसपीपीकाे सदस्यता रद्द गर्ने सक्छ भनेर भनिराखेको छ । तर बालुवाटारमा बैठक बसेर गठबन्धनका नेताहरू सर्वदलीय बैठक बोलाउने भन्ने कुरा आइरहेकाे छ । साझेदारी कार्यक्रममा संलग्न हुने बेलामा सर्वदलीय बैठक चाहिएन । अनि यो नेपाल सैनिक अखडा हुन सक्दैन । यो हिन्द प्रशान्त रणनीतिको अङ्ग हुन सक्दैन भनेर नेपाली जनताले व्यापक रूपमा आवाज उठारहेका छन्, संसदमा सैनिक गठबन्धनमा नजान आवाज उठिरहेकाे छ । अनि सरकारले हामी एसपीपीमा आबद्ध हुन चाहँदैनाैँ भनेर पत्र किन नपठाएको त ? कसले रोक्यो त ? प्रधानसेनापति हुनु हुँदैन भन्ने । परराष्ट्र मन्त्री हामी हुँदैनौँ भन्ने । गृह मन्त्री संसदमा हुँदैनौँ भन्ने । गठबन्धनका नेताहरू यो त हुनु हुँदैन भन्ने । अनि पत्र रोक्ने हात समात्न आएको को रहेछ त ?’

नेता रावलले आउँदाे चुनावमा समान विचार, दर्शन र कार्यक्रम भएकाहरूसँग मात्रै गठबन्धन गर्नुपर्नेमा जोड दिनुभयो । विपरीत सिद्धान्त भएकाहरूबीचको गठबन्धन अनैतिक हुने उहाँको तर्क थियो । 

अन्तिम अपडेट: मंसिर ३०, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई