गोपालदास पत्रकारिता पुरस्कार युवराज घिमिरेलाई, अरु पुरस्कार पाउनेमा को को ?

असोज ७, २०७५ आइतबार ५:४७:१ | रासस

काठमाडौं - गोपालदास पत्रकारिता पुरस्कारबाट वरिष्ठ पत्रकार युवराज घिमिरे सम्मानित हुनु भएको छ ।

प्रेस काउन्सिल नेपालको ४९ औँ वार्षिकोत्सवका अवसरमा राष्ट्रपति विद्यादेवी भण्डारीले घिमिरेलाई उक्त पत्रकारिता पुरस्कार प्रदान गर्नुभएको हो ।

वरिष्ठ पत्रकार तथा विश्लेषक घिमिरेले कान्तिपुर दैनिकको सम्पादक र अन्नपूर्ण पोष्ट दैनिकमा प्रधान सम्पादकका रुपमा कार्य गरिसक्नुभएको छ । पुरस्कारको राशि रु एक लाख पाँच हजार छ ।

यस्तै प्रेस काउन्सिल सुरेन्द्रबहादुर बस्नेत पत्रकारिता पुरस्कारबाट कास्कीका राजबहादुर गुरुङ सम्मानित हुनु भएको छ । पुरस्कारको राशि रु एक लाख पाँच हजार छ ।

त्यस्तै प्रेस काउन्सिल आचारसंहिता पुरस्कार भने हाम्रो एफएम दोलखाले पाएको छ । पुरस्कारको राशि रु ५० हजार छ । प्रेस काउन्सिल क्रियाशील पत्रकारिता पुरस्कारबाट धनुषाका बृजकुमार यादव सम्मानित हुनु भएको छ । सो पुरस्कारको राशि रु ३० हजार छ ।

प्रेस काउन्सिल साहित्यिक पत्रकारिता पुरस्कारबाट कल्तरु साहित्यिक पत्रिका सम्मानित भएको छ । सो पत्रिकाका प्रकाशक सम्पादक नवराज पुडासैनीलाई राष्ट्रपति भण्डारीले सम्मान गर्नुभएको हो । पुरस्कारको राशि रु २० हजार छ ।

प्रेस काउन्सिल स्तम्भलेखन पुरस्कारबाट वरिष्ठ साहित्यकार अमर गिरी पुरस्कृत हुनु भएको छ । उक्त पुरस्कारको राशि रु २० हजार छ ।

त्यस्तै भाषागत पुरस्कारतर्फ ‘गुगुल्डी मासिक’ पुरस्कृत भएको छ । डोट्याली भाषाको पत्रिकाका सम्पादक प्रकाशक वीरबहादुर चन्द कञ्चनपुर प्रेस काउन्सिल भाषागत पत्रकारिता पुरस्कारबाट पुरस्कृत हुनु भएको हो । सो पुरस्कारको राशि रु २० हजार छ ।

प्रेस काउन्सिल महिला सशक्तिकरण पत्रकारिता पुरस्कारबाट जुम्लाका कृष्णमाया उपाध्याय र मकवानपुरका नानीमैया विष्ट सम्मानित हुनु भएको छ । उक्त पुरस्कारको राशि जनही रु २० हजार रहेको छ ।

प्रेस काउन्सिल सशक्त सञ्चारकर्मी पत्रकारिता पुरस्कारबाट कास्कीका पूण्य पौडेल स्म्मानित हुनुभयो । पुरस्कारको राशि रु २० हजार छ ।

प्रेस काउन्सिल समावेशी पत्रकारिता पुरस्कारबाट तीन पत्रकार स्म्मानित हुनु भएको छ । त्यसमा सिरहाका सुरेश यादव, नपलपरासीका गोपाल परियार र सुनसरीका रिता मोक्तान हुनुहुन्छ । पुरस्कारको राशि जनही रु २० हजार रहेको छ ।

यसैगरी प्रेस काउन्सिल युवा सशक्तिकरण पत्रकारिता पुरस्कारबाट पनि तीन पत्रकार सम्मानित हुनु भएको छ । काठमाडौँका चन्द्र बाँनिया र उज्ज्वल पहाडी तथा तनहूँका सागर पण्डित हुनुहुन्छ । पुरस्कारको राशि जनही रु २० हजार छ ।

यसैगरी प्रेस काउन्सिल सशक्त लेखन पत्रकारिता पुरस्कारबाट कालीकोटका रमेश रावल सम्मानित हुनु भएको छ । पुरस्कारको राशि रु २० हजार छ । प्रेस काउन्सिल विधागत पत्रकारिता पुरस्कारबाट पनि दुई पत्रकार सम्मानित हुनुभएको छ । त्यसमा काटुर्न विधातर्फ अविन श्रेष्ठ र फोटो पत्रकारितातर्फ पद्मसागर कक्षपति हुनुहुन्छ । पुरस्कारको राशि जनही रु २० हजार छ ।

चार वरिष्ठ पत्रकारलाई सम्मान

काउन्सिलको वार्षिकोत्सवको अवसरमा चार वरिष्ठ पत्रकारलाई समेत राष्ट्रपति भण्डारी, सञ्चार तथा सूचना प्रविधिमन्त्री गोकुल बाँस्कोटाले सम्मान गर्नुभयो ।

यसरी सम्मानित हुनेमा केदारमान सिंह, मुक्तिनाथ खनाल, हरिकला अधिकारी र रमेशकाजी स्थापित हुनुहुन्छ ।

त्यस्तै वर्ष कर्मचारी पुरस्कारबाट काउन्सिलका सहप्रशासकीय अधिकृत दीपक खनाल र कार्यालय सहयोगी रमा द्यौला सम्मानित हुनु भएको छ । कर्मचारी प्रोत्साहन पुरस्कारबाट विनय बजगार्इँ, सुमन महत र २० वर्ष सेवा गरे वापत दीर्घ सेवा पदकबाट उपप्रशासकीय अधिकृत रामशरण बोहोरा सम्मानित हुनु भएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्