चितवनको राप्तीमा प्रमुख प्रशासकीय अधिकृतलाई हाजिर गर्न दिइएन !

साउन २४, २०७९ मंगलबार १९:५५:५४ | राधेश्याम खतिवडा

चितवन – चितवनको राप्ती नगरपालिकामा सरुवा भएर गएका प्रमुख प्रशासकीय अधिकृतले कार्यालयमा हाजिर गर्न पाएका छैनन् । गएकाे साउन ११ गते राप्तीका लागि सरुवा हुनुभएका प्रमुख प्रशासकीय अधिकृत शुकदेव लम्सालले आजसम्म पनि नगरपालिकामा हाजिर गर्न पाउनुभएकाे छैन ।

चितवनकै भरतपुर महानगरपालिकामा काम गरिरहनुभएका लम्साल सरुवा भएपछि गएकाे साउन १७ गते राप्ती नगरपालिका जानुभएको थियो । तीन पटकसम्म हाजिरीका लागि नगरपालिका पुगेको बताउँदै लम्सालले त्यहाँ आफूलाई सहजै हाजिर गर्ने वातावरण नभएको बताउनुभएको छ । राप्ती नगरपालिका मेयर शम्सेर लामाले भने आफूले हाजिर गर्न नरोकेको बताउँदै आउनुभएको छ ।

राप्ती नगरपालिकाका कार्यरत कार्यकारी गंगाबहादुर भुजेलको सरुवा भइसकेको भए पनि अहिले उहाँले नै हाजिर गरिरहनुभएको छ । दुई वर्षभन्दा लामो समय राप्तीको प्रमुख प्रशासकीय अधिकृत भएर काम गर्नुभएका भुजेल बाग्लुङकाे गलकोट नगरपालिका सरुवा भइसक्नुभएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधेश्याम खतिवडा

राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्