अस्पतालमा डेङ्गीका बिरामीको चाप : परीक्षण शुल्कमा मनोमानी भएको पीडितको गुनासो

भदौ २१, २०७९ मंगलबार ८:७:६ | उज्यालो सहकर्मी

काठमाण्डाै - अस्पतालहरुमा डेङ्गीका बिरामीको चाप बढ्दै गएको छ । बिरामीको चाप बढ्दै गएकाले कतिपय अस्पतालहरुले डेङ्गीका बिरामीको उपचारका लागि छुट्टै क्लिनिक सञ्चालन गरेका छन् ।

काठमाण्डौको शुक्रराज ट्रपिकल तथा सरुवा रोग अस्पतालले छुट्टै क्लिनिक सञ्चालन गरेको छ । क्लिनिकमा दैनिक १ सय ५० देखि १ सय ७० जना डेङ्गीका बिरामी उपचारका लागि पुग्ने गरेका शुक्रराज ट्रपिकल तथा सरुवा रोग अस्पतालका प्रमुख कल्सन्टेन्ट फिजिसियन डा. विमल चालिसेले जानकारी दिनुभयो । उहाँका अनुसार धेरैजसो बिरामीमा धेरै ज्वरो आउने, टाउको दुख्ने, जिउ दुख्ने, खाना मन नलाग्ने, पेट दुख्ने बान्ता हुने, पखाला लाग्ने जस्ता लक्षण देखिएको छ । यस्तै काठमाण्डौको वीर अस्पतालमा पनि डेङ्गीका बिरामीको चाप बढेको वीर अस्पतालका उपनिर्देशक डा. प्रज्वल श्रेष्ठले बताउनुभयो ।

दैनिक ३० देखि ४० जना डेङ्गीका बिरामी अस्पताल पुग्ने गरेका उहाँले बताउनुभयो । देशका अरु अस्पतालमा पनि डेङ्गीका बिरामीको चाप बढ्न थालेको अस्पतालहरुले बताएका छन् । अहिले सङ्क्रमितमध्ये ८० प्रतिशत बिरामी ललितपुर, रुपन्देही, काठमाण्डौ, मकवानपुर, धादिङ, भक्तपुर, तेह्रथुम, सिन्धुली, गुल्मी र सङ्खुवासभा गरी १० वटा जिल्लाका छन् ।

यही अनुपातमा डेङ्गी सङ्क्रमित बढ्दै जाने हो भने अस्पतालहरुमा स्रोत साधनको अभाव हुन सक्ने देखिएको छ । तर इपिडिमियोलोजी तथा रोग नियन्त्रण महाशाखा अन्तर्गतको किटजन्य रोग नियन्त्रण शाखाका प्रमुख डा. गोकर्ण दाहाल भने कोरोनाको तयारीका लागि अस्पतालहरुमा सबै स्रोत साधनको व्यवस्था भएकाले आत्तिनु पर्ने अवस्था नभएको बताउनुहुन्छ । अहिलेसम्म देशभर ५ हजार २९ जनामा डेङ्गी सङ्क्रमण पुष्टि भइसकेको छ ।

यसैबीच डेङ्गीको प्रकोप बढ्दै जाँदा त्यसको परीक्षण शुल्कमा मनोमानी भएको पीडितको गुनासो छ । सरकारी तथा निजी प्रयोगशालामा दुवैमा डेङ्गी परीक्षणको शुल्कमा मनोमानी पाइएको उनीहरुले गुनासो गरेका हुन् । सरकारी र निजीमा गरी यस्तो शुल्क पाँच सयदेखि दुई हजार चार सय रुपैयाँसम्म रहेको छ ।

राष्ट्रिय जनस्वास्थ्य प्रयोगशालाले डेङ्गी परीक्षणको शुल्क आठ सय रुपैयाँ लिने गरेको छ । वीर अस्पताल र शहीद शुक्रराज ट्रपिकल तथा सरुवा रोग अस्पताल टेकुले पाँच सय रुपैयाँ लिने गरेका छन् । राष्ट्रिय जनस्वास्थ्य प्रयोगशालाले गुणस्तरका आधारमा धेरै शुल्क लिएको दाबी गरेको छ । प्रयोगशालाका निर्देशक डा. रुना झाले पहिलेदेखि नै आठ सय रुपैयाँ लिने गरेको भन्दै महँगो वा सस्तोभन्दा पनि गुणस्तर हेरिनुपर्ने दाबी गर्नुभयो ।

अन्तिम अपडेट: पुस २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्