नेपालको हवाई सुरक्षा पालनादर विश्वव्यापी औसतभन्दा माथि : आइकाओ

कात्तिक ६, २०७९ आइतबार १५:२२:२२ | उज्यालो सहकर्मी

काठमाण्डौ – नेपालले हवाई सुरक्षा परिपालनादर विश्वव्यापी भन्दा माथि अर्थात् ७० दशमलव एक प्रतिशत प्राप्त गरेको छ ।

अन्तर्राष्ट्रिय नागरिक उड्ड्यन सङ्गठन (आइकाओ) को अन्तिम अडिट प्रतिवेदन अनुसार नेपालले ७० दशमलव एक प्रतिशत प्राप्त गरेको हो ।

आइकाओको यो प्रतिवेदन नेपाल नागरिक उड्ड्यन प्राधिकरणले सार्वजनिक गरेको हो । नेपालले प्राप्त गरेको यो स्कोर ग्लोबल एभरेजभन्दा माथि हो ।

प्राधिकरणका अनुसार एसिया प्रशान्त क्षेत्रको उड्ड्यन सुरक्षादर ६४ दशमलव पाँच र विश्वव्यापी सुरक्षादर ६७ प्रतिशत रहेको छ ।

देशको हवाई क्षेत्रमा प्राप्त यो उपलब्धिप्रति अन्तर्राष्ट्रिय समुदायको चासो र सद्भाव बढेको छ ।

अहिले नेपालमा नौ फिक्सविङ र ११ हेलिकप्टर कम्पनीसहित कुल २० वायुसेवा कम्पनी सञ्चालनमा छन् ।

नेपालमा सबै प्रकारका गरी एक सय हाराहारी वायुयान छन् । त्यसमा झण्डै ८० जहाज र हेलिकोप्टर ४० वटा छन् । त्यस्तै अहिलेसम्म देशभर नौ सय ड्रोन दर्ता भएको प्राधिकरणले जनाएको छ ।

नेपालको हवाई क्षेत्रमाथि अन्तर्राष्ट्रिय निकायको चासो र सद्भाव बढ्नु सकारात्मक रहेको र यसले नेपालको नागरिक उड्ड्यन क्षेत्र विश्वव्यापी मापदण्डको छ भन्ने सन्देश गएको उहाँले उल्लेख गर्नुभयो ।

नेपालको हवाई क्षेत्रप्रति प्राधिकरणले आइकाओको सहयोगमा देशको हवाई सुरक्षा परिपालन दर ८० प्रतिशत कायम गर्ने लक्ष्यसहित देशको हवाई क्षेत्रको सुधारात्मक कामलाई प्राथमिकता दिएको छ ।

इयूले गएको १० वर्षदेखि नेपाललाई ‘उड्ड्यन सुरक्षा सूची’मा राखेको छ । यसअघि नेपालको हवाई उड्ड्यन सुरक्षामा जोखिम बढेको जनाउँदै आइकाओले सन् २०१३ मा नेपाली वायुसेवालाई गम्भीर सुरक्षा चासोको सूचीमा राखेको थियो । पछि सन् २०१७ मा नेपालले प्रगति गरेको भन्दै आइकाओले त्यो सुरक्षा सूचीबाट हटाएको थियो ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्