पीएम कपमा लुम्बिनी र आर्मी विजयी

कात्तिक २०, २०७९ आइतबार १६:५६:२९ | उज्यालो सहकर्मी

काठमाण्डाै – प्रधानमन्त्री कप एकदिवसीय क्रिकेटमा आज आइतवार लुम्बिनी प्रदेश र त्रिभुवन आर्मी क्लब विजयी भएका छन् ।

मूलपानी मैदानमा भएको खेलमा आर्मीले गण्डकी प्रदेशलाई ६९ रनले हरायो । आर्मीले दिएको एक सय ६६ रनको लक्ष्य पछ्याएको गण्डकी ३३ ओभर २ बलमा ९६ रन बनाउँदा अलआउट भयो । उसका समीर कँडेलले ३९ रन बनाए । आर्मीका सुशन भारीले पाँच तथा कुशल मल्ल र शाहब आलमले दुई/दुई विकेट लिए । आर्मी समूह 'ए' को तेस्रो र गण्डकी दोस्रो स्थानमा छ ।

यस्तै अर्को खेलमा लुम्बिनी प्रदेशले प्रदेश १ लाई ३९ रनले हरायो । लुम्बिनीले दिएको दुई सय ९० रनको लक्ष्य पछ्याएको प्रदेश एकले ४९ ओभरमा अलआउट हुँदै दुई सय ५१ रनमात्रै बनायो । प्रदेश १ का सिद्धान्त लोहनीले ७४ र अङ्कित सुवेदीले ५२ रन बनाए । बलिङतर्फ लुम्बिनीका दुर्गेश गुप्ता, बसिर अहमद र देव खनालले दुई/दुई विकेट लिए ।

यसअघि पहिले ब्याटिङ गरेको लुम्बिनीका लागि देव खनालले ८९, आकाश त्रिपाठीले ४५ र सन्दीप रिजालले ४४ रन बनाए । बलिङतर्फ प्रदेश १ का दीपक जोशीले चार र श्रवन यादवले दुई विकेट लिए । लुम्बिनी समूह 'बी' को तेस्रो स्थानमा र प्रदेश १ चौथो स्थानमा छ ।

प्रतियोगितामा सहभागी १० टोलीलाई दुई समूहमा विभाजन गरीएको छ । समूह 'ए' मा एपीएफ, त्रिभुवन आर्मी क्लब, कर्णाली प्रदेश, गण्डकी प्रदेश र सुदूरपश्चिम प्रदेश तथा समूह 'बी' मा पुलिस क्लब, बाग्मती प्रदेश, लुम्बिनी प्रदेश, मधेस प्रदेश र प्रदेश १ रहेका छन् ।

प्रतियोगिताको विजेताले १० लाख रुपैयाँ नगद पुरस्कार पाउनेछ । यस्तै उपविजेताले पाँच लाख र सेमिफाइनलमा पुग्ने टोलीले ५० हजार रुपैयाँ पाउने छन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्