‘मेरो लडाइ ३४ वर्षदेखि जुम्लालाई दास बनाउनेको विरुद्ध हो’ : ज्ञानेन्द्र शाही

कात्तिक २८, २०७९ सोमबार १८:३७:४० | नेत्र शाही

जुम्ला – राष्ट्रिय प्रजातन्त्र पार्टी राप्रपाबाट प्रतिनिधि सभा सदस्यका उम्मेदवार ज्ञानेन्द्र शाहीले आफ्नो उम्मेदवारी जुम्लाको विकासको लागि भएको बताउनुभएको छ ।

शाहीले जिल्लाभर घरदैलो गरेर जुम्लाको सदरमुकाममा आज आयोजित सभामा यस्तो बताउनुभएको हो । ‘ज्ञानेन्द्र शाही जिताउ अभियान’ले आयोजना गरेको जनसभामा शाहीले आफ्नो उम्मेदवारी राष्ट्रको नेतृत्वका लागि भएको दाहोर्याउनुभयो । ३४ वर्ष अघिबाट जुम्लाले एक मन्त्री समेत नपाएको भन्दै आफूले जुम्लाबाट जितेर गएपछि राष्ट्रको नेतृत्व गर्ने पनि उहाँले बताउनुभयो ।

‘आज जुम्लीलाई सुर्खेत समेत गएर कसैले अभद्र व्यवहार गर्यो भने सोध्ने मान्छे छैनन्’, उहाँले भन्नुभयो, ‘यो चुनाव जुम्लावासीले काठमाण्डौको कठालो समात्ने वा पैतला समात्ने दिनको फैसला भएकाले जुम्लाले न्याय गर्ने छ ।’

केही दिन अघि गठबन्धनले जुम्लामा आयोजना गरेको चुनावी सभामा प्रचण्डले भाषण गर्नुभएको थियो । आज त्यही स्थानबाट ज्ञानेन्द्रले प्रचण्डको भाषणको खण्डन गर्नुभयो । उहाँले भन्नुभयो, ‘ज्ञानेन्द्रले चुनाव जित्यो भने जुम्लीलाई दास बनाउन नपाइने भयो भनेर ज्ञानेन्द्र हराउन प्रचण्ड जुम्ला आएका हुन् ।’

सभा स्थलमा सुरक्षा व्यवस्थामा कडाइ गरिएको थियो । कार्यक्रम आयोजना गरेको मूल गेटमा झोला जाँच गरेर मात्रै मानिसहरुलाई भित्र जान दिइएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्