उम्मेदवार घरघर पुगेर मत माग्न व्यस्त (तस्बिरहरू)

कात्तिक २९, २०७९ मंगलबार १३:५७:१६ | दीपक भट्ट

रामेछाप – मङ्सिर ४ गते हुने प्रतिनिधि सभा र प्रदेश सभा सदस्य चुनावमा भाग लिएका विभिन्न राजनीतिक दलका सहित स्वतन्त्र उम्मेदवार मतदाताको घरघरमा पुगेर मत माग्न व्यस्त छन् ।

रामेछापमा चुनावमा उठेका उम्मेदवार पहिलो चरणको चुनावी सभा सकेर दोस्रो चरणको चुनावी कार्यक्रम लिएर मतदाताको घरदैलोमा पुग्न थालेका हुन् । मतदातासँग मत माग्न केही दिनमात्रै बाँकी हुँदा उनीहरू यतिखेर घरदैलोमा व्यस्त भएका हुन् ।

रामेछापमा एउटा प्रतिनिधि सभा र दुई वटा प्रदेश सभा छ । प्रतिनिधि सभातर्फ रामेछापमा सत्तारूढ गठबन्धनका उम्मेदवार पूर्णबहादुर तामाङ र नेकपा एमालेका उम्मेदवार कैलाशप्रसाद ढुंगेलबीच कडा प्रतिस्पर्धा हुने देखिएको छ ।

रामेछापमा मतदाता सङ्ख्या एक लाख ८० हजार एक सय छ रहेको छ । रामेछापमा १७ वटा राजनीतिक दल र स्वतन्त्र गरी प्रतिनिधि सभा सदस्यमा २२ जनाले उम्मेदवारी दर्ता गराएका छन् भने प्रदेशसभा (क) तर्फ ११ र (ख) मा १२ जनाले उम्मेदवारी दर्ता गराएका छन् ।

२०७४ सालको चुनावमा रामेछापमा नेकपा एमाले र नेकपा माओवादी केन्द्रबीच (वाम गठबन्धन) तालमेल भएको थियो । वाम गठबन्धनका उम्मेदवार श्यामकुमार श्रेष्ठले ४२ हजार एक सय १७ र उहाँका प्रतिस्पर्धी नेपाली कांग्रेसका उम्मेदवार पूर्णबहादुर तामाङले ३५ हजार सात सय ७१ मत प्राप्त गर्नुभएको थियो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्