विश्व कप फुटबलमा आज चार वटा खेल हुँदै

मंसिर ७, २०७९ बुधबार ७:१६:२७ | उज्यालो सहकर्मी

काठमाण्डाै - फिफा विश्व कप फुटबलमा आज पनि चार वटा खेलहरु हुँदैछन् । आज समूह ‘ई’ र समूह ‘एफ’ को दुई/दुई वटा खेल रहेका छन् ।

आज हुने पहिलो खेलमा समूह ‘एफ’ मा रहेको मोरक्को र क्रोएसियाबीच खेल हुनेछ। क्रोएसिया साविक उपविजेता हो । क्रोएसिया र मोरक्कोबीचको खेल नेपाली समय अनुसार दिउँसो पौने ४ बजे सुरु हुनेछ ।

यस्तै, आज हुने दोस्रो खेलमा जर्मनी र जापानबीच प्रतिस्पर्धा हुनेछ । समूह ‘ई’ मा रहेको जर्मनी र जापानबीचको खेल बेलुका पौने ७ बजे सुरु हुनेछ । विश्व कप फुटबल अन्तर्गत नै आजको तेस्रो खेलमा स्पेन र कोस्टारिकाबीचको खेल राति पौने १० बजे सुरु हुनेछ ।

त्यस्तै, आज राति बेल्जियम र क्यानडाबीच खेल हुनेछ । यो खेल आज राति पौने १ बजे सुरु हुनेछ । कतार विश्व कपमा ३२ देश सहभागी छन् । गएराति भएको खेलमा साविक विजेता फ्रान्सले अस्ट्रेलियालाई ४–१ गोलले हरायो । अर्को खेलमा मेक्सिको र पोल्यान्ड तथा डेनमार्क र ट्युनिसियाले बराबरी खेलेका छन् ।

हिजो भएको खेलमा साउदी अरेबियाले अर्जेन्टिनालाई २–१ गोलले हरायो । अर्जेन्टिनासँगको खेल जितेको खुसीयालीमा साउदीले आज देशभर सार्वजनिक बिदा दिएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्