रामेछापमा राष्ट्रिय परिचयपत्र बनाउने अभियान सुरु

मंसिर १४, २०७९ बुधबार १९:४२:१ | दीपक भट्ट

रामेछाप – रामेछापमा राष्ट्रिय परिचयपत्र बनाउने अभियान आज बुधवारदेखि सुरु भएकाे छ । मन्थली नगरपालिकाका १४ वटै वडामा एकसाथ अभियान सुरु गरिएको छ ।

परिचयपत्र बनाउन केन्द्रमा खटिएर आएका कर्मचारीकाे टोलीले १४ वटा वडामा पुगी अभियान एकसाथ सुरु गरेका हुन् । उनीहरूले सबै वडा कार्यालयमा पुगेर नागरिकको विवरण भर्ने, फोटो खिचाउने लगायतका काम सुरु गरेका हुन् । यसअघि जिल्ला प्रशासन कार्यालय रामेछापबाट राष्ट्रिय परिचयपत्रको विवरण भर्ने काम गरिन्थ्यो ।

जिल्लामा अहिलेसम्म २१ हजार पाँच सय जनाले राष्ट्रिय परिचयपत्रका लागि फोटो खिचाउने र व्यक्तिगत विवरण फाराम भरेका छन् । विवरण भरेका सबै नागरिकको परिचयपत्र अहिलेसम्म जिल्लामा आइनसकेको रामेछापका प्रमुख जिल्ला अधिकारी शोभाखर रेग्मीले जानकारी दिनुभयाे । जिल्लाको आठ वटा पालिकाका ६४ वडामा झन्डै तीन महिनामा विवरण भरिसक्ने लक्ष्य जिल्ला प्रशासन कार्यालय रामेछापले लिएको छ ।

यो अभियान जिल्ला प्रशासन कार्यालयमा पनि चल्ने छ । वडास्तरमा राष्ट्रिय परिचय पत्र बनाउने टोली पुगेसँगै परिचयपत्रका लागि फाराम भर्ने नागरिकको भिड लागेको छ ।

जिल्ला प्रशासन कार्यालय रामेछापले पालिकाका जनप्रतिनिधिलाई राष्ट्रिय परिचयपत्र बनाउन आएका टोलीलाई सूचना सम्प्रेषण र अन्य सहयोग गरिदिन आग्रह गरेको छ । जिल्लामा राष्ट्रिय परिचयपत्र बनाउनेको सङ्ख्या झन्डै दुई लाख पुग्न सक्ने अनुमान गरिएकाे छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्