विश्वकप फुटबल : ब्राजिलले क्रोएसियालाई सजिलै हराउला त ? यस्तो छ विगत

 मंसिर २३, २०७९ शुक्रबार १२:२८:० | उज्यालो सहकर्मी
unn.prixa.net

काठमाण्डौ – फिफा विश्वकप फुटबलको क्वाटरफाइनलका खेल आजदेखि सुरु हुँदैछन् ।

कतारमा चलिरहेको विश्वकपमा साविक विजेता फ्रान्स, साविक उपविजेता क्रोएसिया, ब्राजिल, अर्जेन्टिना, इंग्ल्यान्ड, नेदरल्यान्ड्स, मोरक्को र पोर्चुगल अन्तिम आठमा पुगेका छन् ।

विश्वकपमा सबैभन्दा सफल टोली ब्राजिल हो । ब्राजिलले पाँच पटक विश्व कपको उपाधि जित्दा इटली र जर्मनीले चार/चार पटक, अर्जेन्टिना, फ्रान्स र उरुग्वेले दुई/दुई पटक तथा इङ्ल्यान्ड र स्पेनले एक/एक पटक उपाधि जितेका छन् ।

क्वाटरफाइनलको पहिलो खेलमा ब्राजिल र क्रोएसिया खेल्दैछन् । यो खेल नेपाली समयअनुसार आज राति पौने ९ बजे एजुकेसन सिटी मैदानमा सुरु हुनेछ ।

ब्राजिलले अन्तिम १६ मा दक्षिण कोरियालाई ४–१ गोलले हराएको थियो । त्यस्तै क्रोएसियाले जापानलाई पेनाल्टी सुटआउटमा हराएको थियो ।

यस्ताे छ पाँच पटकको विश्वकप विजेता ब्राजिल र सन् २०१८ को उपविजेता क्रोएसियाको हेड टु हेड

कीर्तिमान पाँच पटकको विजेता ब्राजिल र सन् २०१८ को उपविजेता क्रोएसिया अहिलेसम्म चार पटक खेलेका छन् ।

जसमा ब्राजिल ३ पटक विजयी हुँदा एउटा खेल बराबरी भएको छ । ब्राजिलले ७ गोल गरेको छ भने क्रोएसियाले २ गोल मात्रै ।

सन् २००५ मा भएको मैत्रिपूर्ण खेलमा दुई देशले एक/एक गोलको बराबरी खेलेका थिए ।

त्यस्तै सन् २००६ मा भएको विश्वकप फुटबलमा ब्राजिल १–० गोलले विजयी भयो । यसैगरी सन् २०१४ मा ब्राजिलले क्रोएसियालाई ३–१ र सन् २०१८ मा भएको मैत्रिपूर्ण खेलमा २–० ले जितेको थियो ।
 

अन्तिम अपडेट: साउन ७, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया