एपीएलको उपाधि रोयल सन्धिखर्कलाई

असोज २१, २०७५ आइतबार १०:१५:४ | प्रेमनारायण आचार्य

अर्घाखाँची – सन्धिखर्कमा सम्पन्न भएको अर्घाखाँची प्रिमियर लिग (एपीएल) को उपाधि रोयल सन्धिखर्कले हात पारेको छ ।

‘स्वास्थ्यका लागि खेलकुद ,रास्ट्रको लागि खेलकुद’ भन्ने नाराका साथ असोज १३ गतेबाट सुरु भएको दोस्रो अर्घाखाँची प्रिमियर लिगको फाइनल खेलमा एम्स स्टारलाइ हराउदै रोयल सन्धिखर्कले जित हात पारेको हो ।

प्रतियोगितामा प्रथम हुने टिमले नगद १ लाख ५ हजार प्राप्त गरेको छ । द्धितीय हुनेले ५५ हजारसहित ट्रफी मेडल र प्रमाणपत्र प्राप्त गरेको छ । अर्घाखाँची सामुदायिक विकास क्लबको मातहतमा अर्घाखाँची क्रिकेट एकेडेमीको आयोजना गरेको दोस्रो अर्घाखाँची प्रीमियर लिगको उपाधि रोयल सन्धिखर्कले हात पारेको हो ।

राउन्ड रोविन लिगको आधारमा खेलिएको खेलमा अन्तिम फाइनल खेलमा एम्स स्टार र रोयल सन्धिखर्क पुगेका थिए । रोयल सन्धिखर्क ५ खेल मध्ये ४ खेल जितेर फाइनलमा स्थान बनाएको हो । एम्स स्टारले ६ खेल मध्ये ५ खेल जितेर फाइनलमा स्थान बनाएको हो । लिग चरणको अन्तिम रोयल सन्धिखर्क र एम्स स्टार बीचको खेल प्राविधिक कारणले रद्द भएको थियो ।

आइतबार सम्पन्न फाईनेल खेलमा तस जितेर एम्स स्टारले पहिले ब्याटीङ्ग रोजेको थियो । रोयल सन्धिखर्कका बलरहरुको कसिलो बलिङ्गको दबाबमा परेको एम्स स्टारले पूरा २० ओभर खेली जम्मा ५६ रन बनायो ।

५७ रनको लक्ष्य पाएको रोयल सन्धिखर्कले १२.५ ओभरमा २ बिकेटको क्षतिमा लक्ष्य भेट्टायो । रोयल सन्धिखर्कले एम्स स्टारलाई ८ विकेटले पराजित गरेको हो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्