उपचार अभावमा ५ दलित युवाकाे मृत्यु भएकाे विषयमा मधेसी आयाेगले अनुगमन गर्ने

पुष ३, २०७९ आइतबार १६:५२:१ | उज्यालो सहकर्मी

काठमाण्डाै – सप्तरीकाे कञ्चनरूप नगरपालिकामा उपचार अभावमा पाँच जना दलित समुदायका व्यक्तिको मृत्यु भएको विषयमा मधेसी आयोगले अनुगमन टोली पठाउने भएको छ ।

कन्चनरूपमा पछिल्लो दुई हप्तामा उपचार अभावमा अति विपन्न दलित समुदायका पाँच जना युवाको ज्यान गएको विषयमा गम्भीर ध्यानाकर्षण भएको भन्दै आयोगले अनुगमन गर्ने भएको हो । आयोगकी उपसचिव सबिता डंगोलले एक प्रेस विज्ञप्ति निकालेर राज्यले हरेक नागरिकको उपचारको ग्यारेन्टी गरे पनि बर्सेनि हुने यस्ता घटनाप्रति आयोगको गम्भीर ध्यानकर्षण भएको बताउनुभएको छ ।

आयोगका अध्यक्ष डाक्टर विजयकुमार दत्तले आयोगले यस्ता संवेदनशील घटनाको अल्पकालीन र दीर्घकालीन समाधानका लागि विभिन्न समयमा सिफारिस र ध्यानकर्षण गराए पनि सरकारको बेवास्ताले गर्दा यस्ता समस्या समाजमा यथावत् रहेको बताउनुभएको छ । अध्यक्ष दत्तले संवैधानिक निकायको सिफारिसहरू सरकारका लागि निर्देशन बराबर भए पनि सरकार संवेदनशील नहुनुले समाजमा गलत सन्देश जाने उल्लेख गर्नुभयो ।

आयोगले पीडित परिवारलाई सबै प्रकारको सहयोग गर्न र बिरामीलाई यथोचित स्वास्थ्य उपचार गराउन अपिलसमेत गरेको छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्