दुर्गम गाउँमा बस पुग्दा चालक र गाडीको पूजा गर्दै स्थानीयले साँटे खुसी

पुष ९, २०७९ शनिबार १७:४२:२१ | दीपक भट्ट

रामेछाप – रामेछापको बोलङ्ग–बोलङ्गमा पहिलो पटक बस पुग्दा स्थानीयहरुले खुसी साँट्दै यात्रुवाहक बस, चालक र सह–चालकलाई अक्षता र फूलमालाले भव्य स्वागत गरेका छन् ।

रामेछाप नगरपालिकाकै दुर्गम र विकट गाउँले परिचित बोलङ्ग–बोलङ्ग गाउँमा रामेछाप नगरपालिकाले कच्ची सडक निमार्ण गरेपछि पहिलो पटक यात्रु लिएर बस पुुगेको हो ।

नगरपालिकाले सडक निमार्ण गरिदिएसँगै पहिलो पटक बस आउँदा आफूहरुलाई निकै खुसी लागेको रामेछाप नगरपालिका–४ हिमगंगा बोलङ्गबोलङ्गकी बिनाकुमारी सुनुवारले बताउनुभयो । उहाँले भन्नुभयो, ‘सडक नहुँदा हामीहरुलाई धेरै दुःख थियो । सडक अभावकै कारण यस गाउँका नागरिकहरुले बिरामी पर्दा समेत डोकोको भर पर्नुपर्ने बाध्यता थियो । अहिले निकै सहज भएको छ ।’

त्यस गाउँमा सडक पहुँच नहुँदा अहिलेसम्म खेत तथा बारीमा उत्पादन गरेका वस्तुसमेत बिक्री गर्न समस्या थियो । अब उत्पादित वस्तुहरुलाई बजारसम्म पुर्याउन सजिलो हुने अर्का स्थानिय लालकाजी मगर बताउनुहुन्छ ।

सडक निमार्णपछि नियमित रुपमा दैनिक हिमाल तराई यातायात सेवा समितिले एउटा बस सञ्चालन गरेको छ । त्यसैगरी यातायात व्यवसायीहरुले साना गाडी तथा जीप सञ्चालनको तयारी पनि गरिरहेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्