नेपालगञ्जमा दादुरा सङ्क्रमणबाट ३१ महिनाका बालककाे ज्यान गयाे, २८ जनामा सङ्क्रमण

पुष २१, २०७९ बिहीबार १३:२७:५ | गोविन्द शर्मा

बाँके - नेपालगञ्जमा दादुरा सङ्क्रमणबाट एक बालककाे ज्यान गएकाे छ । दादुरा सङ्क्रमणबाट ३१ महिनाका बालकको ज्यान गएकाे हाे ।

बालकलाई उपचारका लागि अस्पताल लैजाने क्रममा बाटोमै ज्यान गएकाे नेपालगञ्ज उप–महानगरपालिकाले जनाएकाे छ । अहिले नेपालगञ्जका ५, ७, ८, १०, १५ र २२ गरी ७ वडामा दादुराको सङ्क्रमण देखिएको छ । नेपालगञ्जमा अहिलेसम्म दादुरा सङ्क्रमण हुने सङ्ख्या २८ पुगेकाे उपमहानगरले जनाएकाे छ ।

दादुरा सङ्क्रमण देखिएका प्रायजसाे बालबालिकामा सम्पूर्ण खोप नलगाएको पाइएकाे स्वास्थ्य कार्यालयले जनाएको छ । बालबालिकालाई १३ प्रकारका खोप लगाइन्छ । तीमध्ये दादुराको खोप ९ महिना र १५ महिनामा लगाउने गरिन्छ ।

पहिलो पटक लगाउने डीपीटी खोपले बालबालिकामा ज्वरो आउने भएकाले त्यसपछिका खोप अभिभावक डराएर छुट्ने गरेको स्वास्थ्य कार्यालयले जनाएको छ । सङ्क्रमित बालबालिकामा पहिलो खोप लगाए पनि दोश्रो मात्रा छुटेको पाइएको छ ।

उप–महानगरपालिकाले दादुरा नियन्त्रणका लागि अभियान चलाउने भएको छ । १५ वर्ष उमेर समूहका बालबालिकालाई दादुराको खोप दिने उप–महानगरकाे तयारी छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नेपालगञ्जमा दादुरा सङ्क्रमणबाट ३१ महिनाका बालककाे ज्यान गयाे, २८ जनामा सङ्क्रमण

फाइल तस्बिर

तपाईको प्रतिक्रिया