काठमाण्डाै – प्रधानमन्त्री कप महिला राष्ट्रिय टी–२० क्रिकेट प्रतियोगितामा सुदूरपश्चिमले विजयी सुरुवात गरेको छ । जनता क्रिकेट पार्क इटहरीमा भएकाे खेलमा सुदूरपश्चिमले बाग्मतीलाई ३३ रनले हरायाे । 

सुदूरपश्चिमले दिएकाे एक सय २८ रनकाे लक्ष्य पछ्याएकाे बाग्मतीले २० ओभरमा सात विकेट गुमाएर ९४ रनमात्र बनाउन सक्याे । बाग्मतीका लागि कञ्चन श्रेष्ठले सर्वाधिक १६ रन बनाइन् । सुदूरपश्चिमकी ऋतु कनाैजिया र मनिशा चाैधरीले दुई/दुई विकेट लिइन् । 

यसअघि टस हारेर पहिले ब्याटिङकाे निम्ताे पाएकाे सुदूरपश्चिमले २० ओभरमा पाँच विकेट गुमाएर एक सय २७ रन बनायाे । सुदूरपश्चिमका लागि कविता कुँवरले ५० र ऋतु कनाैजियाले नटआउट २७ रन बनाइन् । बाग्मतीकी अस्मिना कर्माचार्यले दुई विकेट लिइन् ।

जितसँगै सुदूरपश्चिमले अङ्क तालिकामा दुई अङ्क जोडेको छ । नेपाल क्रिकेट सङ्घ (क्यान) ले आयोजना गरेको प्रतियोगिता आजदेखि सुरु भएको हो । यो प्रतियोगितामा सात वटा प्रदेश तथा एक विभागीय गरी आठ टाेलीको सहभागिता छ । सहभागी आठ टोलीलाई दुई समूहमा विभाजन गरिएको छ ।

दुई वटा समूहका विजेता र उपविजेता सेमिफाइनलमा प्रवेश गर्नेछन् । फाइनल खेल माघ ७ गते हुनेछ । प्रतियोगिताको विजेताले पाँच लाख र उपविजेता टोलीले तीन लाख रुपैयाँ प्राप्त गर्नेछन् ।