कंगनाको आरोपपछि ऋतिक रोशनले पनि छोडे विकास बहलको साथ

असोज २३, २०७५ मंगलबार १८:४०:५९ | उज्यालो सहकर्मी

भारतमा राष्ट्रिय पुरस्कार प्राप्त गर्न सफल फिल्म ‘क्वीन’ निर्देशन गरेका निर्देशक विकास बहलमाथि अभिनेत्री कंगना रनावतले यौन शोषणको आरोप लगाएकी छिन् । कंगनाबाहेक फ्यान्टम फिल्मस्की एक महिला कर्मचारीले पनि विकास बहलले आफूमाथि यौन दुव्र्यवहार गरेको आरोप लगाएकी छिन् ।

अहिले अभिनेता ऋतिक रोशनलेसमेत विकास बहलका बारेमा बयान दिएका छन् । ऋतिक रोशनले दिएको बयान यतिबेला चर्चामा किनकी उनी विकास बहलको निर्देशनमा बनिरहेको फिल्म ‘सुपर ३०’ मा काम गरिरहेका छन् । यो फिल्म अर्को वर्ष रिलिज हुनेछ ।

यसअघि सम्म एकसाथ फ्यान्टम फिल्म्स् सञ्चालन गरिरहेका निर्देशक अनुराग कश्यप र विक्रमादित्या मोटवानीले पनि विकास बहलको साथ छोडीसकेका छन् । अहिले ऋतिकले पनि विकाससँग काम नगर्ने कुरा ट्वीटरमार्फत सर्र्वजनिक गरेका छन् ।

ऋतिकले लेखेका छन्, ‘मेरा लागि यस्ता कुनैपनि व्यक्तिसँग काम गर्न असम्भव छ जो निकै घृणित काममा दोषी देखिएका छन् । म यस कुराबाट टाढा नै छु र मलाई यस विषयमा थोरैमात्र जानकारी छ ।’

उनले अगाडी भने, ‘मैले सुपर ३० का निर्माताहरुलाई यस विषयमा छिटोभन्दा छिटो जानकारी लिएर कडा कार्वाही गरियोस् भनेको छु । यो त्यस्तो कुरा होइन जसलाई कुनै बहानामा दबाएर राखियोस् । दोषीहरुलाई कडा कार्वाही हुनुपर्छ र सम्पूर्ण पीडितहरुलाई बलियो बनाएर उनीहरुलाई बोल्न सक्ने सामर्थ्य दिनुपर्छ ।’

pic.twitter.com/uGT29wKt4z
— Hrithik Roshan (@iHrithik) October 8, 2018

फिल्म ‘सुपर ३०’ विकास बहलको महत्वपूर्ण फिल्ममध्येको एक हो । यो फिल्म बिहारका शिक्षक आनन्द कुमारको जीवनीमा आधारित छ ।

फिल्ममा अभिनेता ऋतिक रोशन शिक्षकको भूमिका निर्वाह गरिरहेका छन् । यौन शोषणको आरोप लागेपछि विकास बहललाई अमेजन प्राइमको एक वेब सिरिजबाट पनि निकालिएको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Kilu
Oct. 9, 2018, 8:44 p.m.
स्थापित भैसकेका कलाकारहरुलाई यो हालत छ .. अझ कलाकार बन्ने सपना बोक्ने कैयौं नेपाली र भारतीय छोरीहरुले यस्ता कत्ति दुर्व्यवहारलाई सहज स्विकार्नु परिरहेको यथार्थलाई कहिले र कसले बाहिर ल्याउने कुन्नि /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कंगनाको आरोपपछि ऋतिक रोशनले पनि छोडे विकास बहलको साथ

1 Comments

Kilu

तपाईको प्रतिक्रिया

तपाईको प्रतिक्रिया