बाग्मती प्रदेश : मुख्यमन्त्री जम्मकट्टेलले आज विश्वासको मत लिँदै

माघ ३, २०७९ मंगलबार १०:६:४५ | हरि हुमागाईं

मकवानपुर - बाग्मती प्रदेशका मुख्यमन्त्री शालिकराम जम्मकट्टेलले आज विश्वासको मत लिँदैहुनुहुन्छ । आज दिउँसो साढे १२ बजे प्रदेश सभा बैठकमा आफूले विश्वासको मत लिन लागेको मुख्यमन्त्री जम्मकट्टेललले जानकारी दिनु भएकाे हाे ।

संविधानको धारा १८६ को उपधारा २ बमोजिम मुख्यमन्त्रीमा नियुक्त भएको व्यक्तिले एक महिनाभित्र सदनमा विश्वासको मत लिनुपर्ने संवैधानिक व्यवस्था छ। यही व्यवस्थाअनुसार मुख्यमन्त्री जम्मकट्टेलले आजै प्रदेश सभामा विश्वासको मत लिन लाग्नु भएको हो ।

मुख्यमन्त्री जम्मकट्टेलले प्रदेश सभामा प्रतिनिधित्व गर्ने सबै दलहरुलाई विश्वासको मत दिनका लागि आग्रह समेत गर्नु भएको छ । प्रदेश सभाको सबैभन्दा ठूलो दल नेपाली कांग्रेस समेतलाई विश्वासको मत दिनका लागि उहाँले आग्रह गर्नुभयो । यस प्रदेशमा कांग्रेसले सत्तारुढ दलहरुसँग सभामुख पद मागेको थियो । तर, राप्रपाको भागमा परेको सभामुख नपाएपछि कांग्रेसले विश्वासको मत नदिने अठोट गरेको छ ।

सङ्घीय सरकारमा कांग्रेसले पनि प्रधानमन्त्रीलाई विश्वासको मत दिए पनि बाग्मती प्रदेशमा कांग्रेसले मत दिने विषयमा गहन रुपमा छलफल गरेको छैन । कांग्रेसमा संस्थापन पक्षका पनि दुईधार र संस्थापन इतरको अर्को धार भएकाले थप समस्या भएको छ । तर, कांग्रेस संसदीय दलको बैठक पनि आज बिहान संसदीय दलको कार्यालयमा बस्ने भएको छ । विश्वासको मत दिनेकी नदिने भन्ने विषयमा बैठक बस्न लागेको कांग्रेसका सांसदहरु बताउँछन् ।

उहाँले गएकाे पुस २५ गते बाग्मती प्रदेशको चौथो मुख्यमन्त्रीमा नियुक्त हुनुभएको थियो । जम्मकट्टेलले पुस २६ गते प्रदेश प्रमुख यादवचन्द्र शर्मासमक्ष पद तथा गोपनीयताको शपथ ग्रहण गर्नुभयो ।

उहाँलाई प्रदेश सभाको पाँच दलको समर्थनमा मुख्यमन्त्री बन्नु भएको हो । उहाँ नेकपा एमालेका २७, माओवादी केन्द्रका २१, राप्रपाका १३, नेकपा एकीकृत समाजवादीका सात र हाम्रो नेपाली पार्टीका २ सांसद गरी ७० जनाको समर्थनमा मुख्यमन्त्री बन्नु भएको हो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाग्मती प्रदेश : मुख्यमन्त्री जम्मकट्टेलले आज विश्वासको मत लिँदै

फाइल तस्बिर

तपाईको प्रतिक्रिया