रामेछापकाे सुकाजाेरका किसान अकबरे खुर्सानीकाे खेतीमा आकर्षित

फागुन ७, २०७९ आइतबार १७:१९:१ | दीपक भट्ट

रामेछाप – रामेछाप नगरपालिका ७ सुकाजोरका किसान अकबरे खुर्सानी खेतीमा आकर्षित भएका छन् । पानी र मल कम चाहिने, मेहनत पनि अन्य बालीको तुलनामा कम गरे पुग्ने र एक पटक लगाएको बिरुवाबाट अर्को वर्षसम्म पनि उत्तिकै उत्पादन हुने हुँदा सुकाजोरका किसान व्यावसायिकरूपमा अकबरे खेतीमा लागेका हुन् ।

सुरुमा केही अगुवा किसानले मात्रै अकबरे खुर्सानी लगाउन सुरु गरेका थिए । उनीहरूले लगाएको अकबरे खुर्सानी गाउँमै बिक्री भएपछि अरू किसानले पनि लगाउन इच्छा गरेर तालिमको माग गरेअनुसार उनीहरूलाई तालिम दिएको रामेछाप ७ सुकाजोरका वडाध्यक्ष समिर कार्कीले जानकारी दिनुभयो ।

गाउँमा उत्पादन भएको लोकल अकबरे खुर्सानी प्रतिकेजी ८० देखि एक सय रुपैयाँसम्ममा बिक्री हुने गरेको छ । स्थानीय चुडाबहादुर कार्कीले अकबरे खुर्सानी खेतीसँगै प्रगतिशील अकबरे खुर्सानी उद्योग नै स्थापना गर्नुभएको हो । उहाँले किसानको उत्पादन खरिद गरेर अकबरे खुर्सानीकाे अचार बनाएर बजारमा बिक्री गर्दै आउनुभएको छ । बजारमा लोेकल अकबरे अचारको माग धेरै रहेको र मागअनुसार पुर्याउन गाह्रो परेको प्रगतिशील अकबरे खुर्सानी उद्योगका सञ्चालक कार्की बताउनुहुन्छ ।

उहाँ भन्नुहुन्छ, ‘अकबरे खुर्सानी नियमित खाँदा ग्यास्ट्रिकसमेत निको हुने भएकाले खुर्सानी र यसबाट बनेको अचारको माग धेरै छ ।’

खुर्सानी र अचार उत्पादन गर्न सके बिक्री हुँदैन कि भन्ने चिन्ता नभएको सुकाजोरका अर्का किसान कीर्तिबहादुर कार्कीले बताउनुभयो ।

अकबरे खुर्सानीको अचार बिक्री गरेर वार्षिक १५ लाख रुपैयाँसम्म आम्दानी हुने गरेको उद्योगका सञ्चालक कार्कीले बताउनुभयो । अकबरे खुर्सानी र अचार पुरानो सदरमुकाम रामेछाप डाँडा, सदरमुकाम मन्थली, सिन्धुलीको खुर्कोट र काठमाण्डौका बजारसम्म पुुग्ने गरेको छ ।

सुकाजोरका किसानले यस वर्ष खुर्सानीको १० हजार नयाँ बिरुवा थप्ने योजना बनाएका छन् । अहिले यस क्षेत्रमा १० रोपनी क्षेत्रफलमा अकबरे खुर्सानी विस्तार भएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्