मी टू अभियान: साजिद खानकाे तुच्छ व्यवहारबारे बिपाशा बासुले पनि मुख खाेलिन्

असोज २७, २०७५ शनिबार २०:२:१२ | उज्यालो सहकर्मी

मी टू अभियान अन्तर्गत चलचित्र निर्देशक साजिद खानमाथि ३ जना महिलाहरुले यौन शोषणको आरोप लगाएका छन् । ती मध्ये अभिनेतृ तथा साजिद खानकी असिस्टेण्ट डाइरेक्टर सलोनी चोपडा, र्‍याचेल ह्वाइट तथा पत्रकार करिश्मा उपाध्यायले साजिदविरुद्ध खुलेर बोलिसकेका छन् ।

यसै घटनालाई लिएर निर्देशक साजिद खानले चलचित्र हाउसफुल ४ को निर्देशनको जिम्मेवारीबाट पन्छिसकेका छन् ।

यी ३ महिलाबाहेका बलिउडकी अर्की अभिनेतृ बिपाशा वासुलेसमेत साजिद खानका बारेमा आफ्नो अनुभव सार्वजनिक गरेकी छिन् । कुरा चलचित्र हमशकल्सको शुटिङको बेलाको हो ।

बिपाशाले सामाजिक सञ्जालमा लेखेकी छिन्, ‘पुरुषहरुले शक्तिको दुरुपयोग गरेर कसरी महिलाहरुको शोषण गर्छन् भन्ने कुरा महिलाहरुले खुलेर बोल्न थालेकोमा मलाई ज्यादै खुशी लागेको छ । तर मलाई भने अहिलेसम्म त्यस्तो केही परेको छैन । साजिदको महिलाप्रतिको व्यवहार सधैं यस्तै हुन्छ । उसको व्यवहारले फिल्मको सेटमा मलाई पनि डिस्टर्ब गथ्र्यो । उ सबैको अगाडि अपशब्द भएको जोकहरु गथ्र्यो । महिलाप्रति उसको व्यवहार असभ्य प्रकारको हुन्थ्यो ।

He never tried anything with me... otherwise I would have spoken in 2014 only. I have a very strong voice.Will never tolerate disrespect.

— Bipasha Basu (@bipsluvurself) October 12, 2018

’बिपाशाले अगाडि लेखेकी छिन् , ‘ उसले मसँग भने त्यस्तो केही गर्ने प्रयास गरेन । यदि यस्तो हुन्थ्यो भने म सन् २०१४ मै उसको विरुद्ध आवाज उठाउँथेँ । म आफ्ना कुराहरु राख्न सक्षम छु र आफ्नो बेइज्जती बिल्कुलै सहन सक्दिन ।’

उनले लेखेकी छिन्, ‘मलार्इ सबैले साजिदसँग धेरै कुरा नगर्नू भन्ने गर्थेँं किनकी हामी उसको श्रेणीसम्म पुग्न सक्दै्नथ्यौं । मैले एक पेशेवर अभिनेतृका हिसाबले आफ्नो काम पूरा गरेँ । यो फिल्मपछि मैले साजिदसँग काम नगर्ने निर्णय गरेँ ।’

I was told by all nt 2 say anything 2 him n stoop to his level- so I quietly finished my work as a professional and explained my stance to the producers .. that I couldnt associate myself with this film anymore as I could lose my temper any moment.

— Bipasha Basu (@bipsluvurself) October 12, 2018

उनले अझै अगाडि लेखेकी छिन्, ‘तनुश्रीलाई सलाम । उनले कैयौं महिलाहरुलाई खुलेर बोल्ने हिम्मत प्रदान गरिन् । पुरुषहरुले यी महिलाहरुको फाइदा उठाउँदै आएका थिए ।यस्ता पुरुषहरु महिलाहरुका अगाडि आफ्नो शक्ति र दर्जाको धाक देखाउँछन् ।’

I am glad that women are speaking up about the atrocities of these men with power and clout... but nothing of that sort happened with me...it was just his general attitude toward women that would disturb me on set- he cracked lewd jokes openly and was pretty rude to all girls .

— Bipasha Basu (@bipsluvurself) October 12, 2018

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्