स्याङ्जाका पाँच क्याम्पसमा नेविसङ्घ र दुई वटामा अनेरास्ववियु विजयी

चैत ६, २०७९ सोमबार १३:३५:२२ | राधाकृष्ण डुम्रे

स्याङ्जा - स्याङ्जाका पाँच वटा क्याम्पसमा नेविसङ्घ र दुई वटा क्याम्पसमा अनेरास्ववियुका उम्मेदवार सभापतिमा विजयी भएका छन् । एउटा क्याम्पसमा विवादका कारण मतदान भएकाे छैन ।

स्याङ्जाकाे वालिङ बहुमुखी क्याम्पस, गल्याङ बहुमुखी क्याम्पस, त्रिभुवन आदर्श बहुमुखी क्याम्पस, मालुङ्गा बहुमखी क्याम्पस र राधादामोदर संस्कृत विद्यापीठमा नेविसङ्घ विजयी भएकाे हाे । यस्तै, फेदीखोलाको सिद्धार्थ बहुमुखी क्याम्पस र कालीगण्डकीको मिर्मी बहुमुखी क्याम्पसमा अनेरास्ववियु विजयी भएकाे छ ।

आठ क्याम्पसहरुमध्ये चार क्याम्पसमा सहमति र निर्विरोध नेतृत्व चयन गरिएको हो भने तीन क्याम्पसमा चुनावी प्रक्रियामार्फत् नेतृत्व चयन गरिएको हो । चापाकोट बहुमुखी क्याम्पसमा भने विद्यार्थी भर्नाको विषयलाई लिएर विवाद भएपछि मतदान स्थगित भएको हाे ।

वालिङ क्याम्पसकाे सभापतिमा नेविसङ्घका सन्दीप कँडेल (क्यान्डी), गल्याङ बहुमुखी क्याम्पसमा नेविसङ्घका विशाल थापा, चापाकोटको राधादामोदर विद्यापीठमा नेविसङ्घकै अनुप पोख्रेल, मालुङ्गा बहुमुखी क्याम्पसमा नेविसङ्घका सञ्जीवनी न्यौपाने विजयी भएका छन् । यस्तै, त्रिभुवन आदर्श बहुमुखी क्याम्पसमा नेविसङ्घका सविन रेग्मी सभापतिमा सहमतिका आधारमा निर्वाचित हुनुभएको छ ।

यस्तै, फेदीखोलाका सिद्धार्थ बहुमुखी क्याम्पसकाे सभापतिमा अनेरास्ववियुका सञ्जाेग थापा निर्वाचित हुनुभएको छ भने मिर्मी बहुमुखी क्याम्पसमा अनेरास्ववियुका मूना न्यौपाने सभापतिमा निर्विरोध निर्वाचित भएका छन् ।

अन्तिम अपडेट: पुस १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्