बैतडीमा प्रकोपका रूपमा फैलियो पशुचौपायामा लाग्ने लम्पी स्कीन रोग

चैत १६, २०७९ बिहीबार ८:३७:११ | उज्यालो सहकर्मी

बैतडी - बैतडीका पशुचौपायामा लम्पी स्कीन रोगको सङ्क्रमण देखिएको छ । सुरुमा फाट्टफुट्ट पशुचौपायामा देखिएको यो रोगको सङ्क्रमण अहिले प्रकोपकै रूपमा फैलिएको भेटेरिनरी अस्पताल तथा पशुसेवा विज्ञ केन्द्र पाटनका प्रमुख गुमानी पन्तले जानकारी दिनुभयो ।

पाटनका किसानले पालेका पशुचौपायामा यो रोगको लक्षण देखापरेपछि परीक्षण गर्दा लम्पी स्कीन भएको प्रमाणित भएको प्रमुख पन्तको भनाइ छ । गएको मङ्सिरमा पाटनमा केही पशुचौपायामा यसका लक्षण देखा परेका थिए ।

सुरुमा पाटनमा मात्रै देखापरेको यो रोग अहिले शिवनाथ र सुर्नया गाउँपालिका तथा मेलौली नगरपालिकामा देखिएको छ । दैनिक १५ देखि २० वटा पशुमा लम्पी स्कीन रोगका लक्षण देखिएको जानकारीमा आउने गरेको छ ।

सङ्क्रमणबाट पशुचौपाया मर्ने गरेका छन् । सङ्क्रमण बढेको भए पनि अहिलेसम्म पशु मरेको तथ्याङ्क नआएको केन्द्रले जनाएको छ । शिवनाथ गाउँपालिकाका पशु शाखा प्रमुख प्रकाशसिंह साउदका अनुसार पशुकाे प्राथमिक उपचार सुरु गरिएको छ ।

पशुचौपायामा लम्पी स्कीन रोग देखापरेपछि किसान चिन्तित भएका छ्न् । यो रोग झिँगा, लामखुट्टे र किर्नाले टोकेमा वा दानापानी, चरन क्षेत्र र पशुको आपसमा संसर्गका माध्यमबाट फैलिने भएकाले सचेत रहन सबैमा आग्रह गरिएको छ । यो रोग लाग्दा पशुका खुट्टाका जोर्नी फुल्ने, ज्वरो आउने, शरीरको छालामा फोका उठ्ने, र्‍याल र सिँगान काढ्ने, गर्भीणी पशु तुहिने, बाँझोपनको समस्या र दुहुनो गाईले दूध कम दिने समस्या देखापर्ने गर्छ ।

रोग नियन्त्रण गर्न किसानले भुसुना, किरा र लामखुट्टे नियन्त्रणका लागि गोठको सरसफाइ, भकारो व्यवस्थापन र चरन क्षेत्रको ख्याल गर्नुपर्ने हुन्छ । यो रोग लागिसकेपछि पशुचौपायालाई कम्तीमा २१ दिन क्वरेण्टीनमा राख्नुपर्ने हुन्छ ।

पशुचौपायामा यो रोग फैलिएकोबारे पशु सेवा विज्ञ केन्द्रले सुदूरपश्चिम प्रदेश सरकारलाई पनि जानकारी गराइसकेको जनाएको छ । लम्पी भाइरल रोग नेपालमा विसं २०७७ सालमा मोरङबाट फैलिएको होे । त्यसपछि चितवनमा देखापरेको यो रोग बैतडीमा पनि देखापरेको छ ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्