नक्कली कागजात पेस गरी नेपाली नागरिकता लिने १० जना भारतीय नागरिक पक्राउ

वैशाख २४, २०८० आइतबार १५:५:५२ | उज्यालो सहकर्मी

काठमाण्डाै - नक्कली कागजात पेस गरेर नेपाली नागरिकता लिने १० जना भारतीय नागरिकलाई प्रहरीले पक्राउ गरेको छ ।

काठमाण्डौ उपत्यका अपराध अनुसन्धान कार्यालयबाट खटिएको प्रहरीको टोलीले झण्डै साढे ३ महिनाको अनुसन्धानबाट भारतीय नागरिकहरुले नक्कली कागजात पेस गरी नागरिकता लिएको तथ्य बाहिर ल्याएको हो ।

उपत्यका अपराध अनुसन्धान कार्यालयका प्रमुख एसएसपी मनोज केसीले नक्कली कागजात पेस गरेर नेपाली नागरिकता लिएका १० जना भारतीय नागरिकलाई पक्राउ गरेको बताउनु भयो । उहाँले भारतको उत्तर प्रदेश बलिया जिल्ला इब्राहिम पट्टी, ग्राम इब्राइमपट्टी, पञ्चायत, भिमपूरा, थाना, बेल्थरा रोड स्थायी घर भएकाहरूले झुटा विवरण पेस गरी नेपालको नागरिकता लिएको बताउनु भयो ।

उहाँले भारतीयहरुले नेपालको सिरहा, बारा, पर्सा, रुपन्देहीलगायतका जिल्लाबाट नेपाली नागरिकता लिएको खुलेको बताउनु भयो । पक्राउ पर्नेमा भारत बिहार घर भइ काठमाण्डौको शंखमूल बस्ने ५५ वर्षीय भरतप्रसाद गुप्ता, ३० वर्षीय राहुल गुप्ता, ५० वर्षीया ज्ञानमती देवी गुप्ता र ३९ वर्षीय गोपाल गुप्ता रहेका छन् । यस्तै बिहार नै घर भइ ललितपुरको लगनखेल बस्ने ४४ वर्षीय रामसुन्दर गुप्ता, गोङ्गबु बस्ने ४३ वर्षीय रामप्रवेश गुप्ता, कलङ्की बस्ने ४६ वर्षीय भरत गुप्ता, ४२ वर्षीया स्नेहलता गुप्ता, ४९ वर्षीया मिनदेवी गुप्ता र ५२ वर्षीया राजेशकुमार गुप्ता पक्राउ परेका छन् ।

एसएसपी केसीले उनीहरूलाई शनिवार हिजाे काठमाण्डौको शङ्खमूल, कलङ्की, बागबजार, गाेङ्गबु, बानेश्वरलगायत क्षेत्रबाट पक्राउ गरिएको बताउनु भयो । उनीहरुले नेपाली नागरिकता प्राप्त गरेपछि नेपालका विभिन्न ठाउँमा घर–जग्गा खरिद गरी व्यापार व्यवसायसमेत गरेर बसेका उहाँले बताउनु भयो ।

उहाँले भारतीयहरुले वंशजको आधारमा नै नागरिकता दिएर नेपालका विभिन्न ठाउँमा व्यापार व्यवसाय समेत गर्दै आएका भेटिएको बताउनु भयो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नक्कली कागजात पेस गरी नेपाली नागरिकता लिने १० जना भारतीय नागरिक पक्राउ

तस्बिर : रासस

तपाईको प्रतिक्रिया