जुम्लाको सिंजामा पहिलो पटक सांस्कृतिक खाना महोत्सव, स्थानीय बासिन्दा उत्साहित

जेठ २, २०८० मंगलबार ९:११:५७ | नेत्र शाही

जुम्ला - जुम्लाको सिंजा गाउँपालिकामा पहिलो पटक सांस्कृतिक खाना महोत्सव भएको छ । सिंजा गाउँपालिकाको व्यवस्थापन तथा मार्क्सवादी ज्ञान केन्द्रको आयोजनामा हिजो एक दिन सांस्कृतिक खाना महोत्सव भएको हो ।

स्थानीय खाना संस्कृतिकाे प्रवर्द्धन गरी आयआर्जनसँग जोड्न प्रोत्साहन गर्ने र रैथाने खानाको संरक्षणसहितको उद्देश्यले महोत्सव गरिएको हो । महोत्सवमा खानाका परिकाहरु सजाएर प्रदर्शन गरिएको थियो ।

पहिलो पटक आफ्ना परम्परागत अर्गानिक खाना बजारमा सजाइएपछि स्थानीय बासिन्दा दङ्ग परेका थिए । उनीहरुले खाना महोत्सवमा अर्गानिक खानाका सजावटमात्रै होइन स्थानीय देउडा, झोडा, चुट्किला भनेर खानाको प्रचार गरेका छन् ।

सिंजा गाउँपालिकाकी उपाध्यक्ष सितली रोकायाले रैथाने खानाको प्रवर्द्धनका लागि गरिएको यो महोत्सव निकै महत्त्वपूर्ण रहेको बताउनुभयो । सिंजा गाउँपालिका २ का वडाअध्यक्ष तीर्थ वडले यस्ता कार्यक्रमलाई अब स्थानीय सरकारले पनि प्राथमिकता दिने बताउनुभयो ।

महोत्सवमा कोदो, फापर, मकै, भट्टमास, चिनु, कागुनु मकैका परिकार, खरायोकाे मासुलगायत राखिएको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्