केही पुराना र नयाँ कार्यक्रम समेट्दै बाग्मती प्रदेशकाे नीति तथा कार्यक्रम सार्वजनिक (पूर्ण पाठ)

जेठ १४, २०८० आइतबार २०:४१:५७ | हरि हुमागाईं

मकवानपुर – बाग्मती प्रदेश सरकारले आज आइतवार प्रदेश सभामा नीति तथा कार्यक्रम प्रस्तुत गरेको छ । प्रदेश प्रमुख यादवचन्द्र शर्माले आउँदाे आर्थिक वर्ष २०८०/०८१ का लागि नीति तथा कार्यक्रम प्रदेश सभामा प्रस्तुत गर्नुभएकाे हाे ।

सरकारले केही पुराना र नयाँ कार्यक्रमलाई समेट्दै नीति तथा कार्यक्रम सार्वजनिक गरेको हो । सरकारले दिगो विकासको अवधारणाअनुसार योजना निर्धारण गर्ने, आउँदाे आर्थिक वर्ष प्रदेशलाई प्रविधिमैत्री बनाउने तथा आर्थिक नीति, सामाजिक न्यायको माध्यमबाट प्रदेश समृद्धिका योजना तर्जुमा गर्ने घोषणा गरेको छ । ‘प्रदेश सरकारको भूमिका थप बलियाे बनाउन सङ्घीय सरकार र पालिकासँगको समन्वयलाई प्रभावकारी बनाइनेछ’, नीति तथा कार्यक्रममा उल्लेख छ ।

प्रदेश सरकारको नीति तथा कार्यक्रम प्रस्तुत गर्दै प्रदेश प्रमुख शर्माले 'एक माध्यमिक विद्यालय, एक नर्स' कार्यक्रमलाई विस्तार गरी आउँदाे आर्थिक वर्षभित्र कक्षा १२ सम्म सञ्चालन गरिने बताउनुभयाे । प्रदेश सरकारले 'गृहिणी महिलासँग प्रदेश सरकार' भन्ने मूल नाराका साथ गृहणीहरूलाई सशक्तीकरण गर्दै आत्मनिर्भर बनाउन विभिन्न कार्यक्रम सञ्चालन गर्ने बताएकाे छ ।

प्रदेश सरकारले लैङ्गिक हिंसाबाट प्रभावितहरूका लागि उद्धार, राहत, मनोसामाजिक परामर्श र पुनःस्थापनासम्बन्धी सामाजिक सुरक्षाको विशेष कार्यक्रम सञ्चालन गर्ने प्रदेश प्रमुख शर्माले जानकारी दिनुभयाे ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्