मुहार फेर्दै काठमाण्डौ (फोटो फिचर)

असार २३, २०८० शनिबार ९:१८:० | महेश ज्ञवाली

काठमाण्डाै – काठमाण्डौ र ललितपुर महानगरपालिकाका मुख्य सडकपेटीमा ढकमक्क फूलेका फूलका गमला र हरिया बिरुवा सजिन थालेका छन् । थरीथरीका फूल र विरुवाले सडकपपेटी सजिन थालेपछि मुख्य सडक र शहरको रुप नै फेरिएको छ ।

काठमाण्डौ महानगरपालिकाले असार १६ गते देखि मुख्य ठाउँका व्यस्त सडपेटीमा फूलका गमला राखेर सजाउन थालेको हो । सेता, निला, पहेँला, राता थरीथरीका फूल र हरिया बिरुवाले अहिले काठमाण्डौका सडकपेटी बगैँचा जस्तै सुन्दर देखिएका छन् ।

सबैभन्दा सुन्दर त बबरमहल र नयाँ बानेश्वरको जोड्ने बिजुलीबजारको पुल (आर्क ब्रिज) देखिएको छ । बिजुलीबजारको पुल यसै पनि आकर्षक छ । पुलसँग जोडिने दुबैतिरको सडकमा हरिया बोटबिरुवाले हरियाली थपेको छ । त्यसैमाथि पुलमै ढकमक्क फूलेका फूलका गमला राखेपछि पुल मात्रै होइन, वरपरको सडक नै झकिझकाउ देखिएको छ ।

ललितपुर महानगरपालिकाले त पहिलेदेखि नै सडकपेटीलाई फूलले सजाउन थालेको हो । जावलाखेल, पुल्चोक, लगनखेल, मंगलबजार लगायतका सडक पेटी पनि रंगीचंगी फूलले सजिएको छ । फूलका गमला राखिएको ठाउँमा बस्नलाई बेन्च र टहल्न मिल्ने ठाउँ पनि छ ।

कुनै कुनै ठाउँमा फूलसँगै रुखकाबिरुवा पनि रोपिएका छन् । हरिया रुख र थरीथरीका फूलले चक्रपथको दायाँबायाँ क्षेत्र आकर्षक देखिन्छ । बिरुवा रोपेकै ठाउँमा दुबो लगाएर चिटिक्क पारिएको बगैँचा छ । बगैँचामा नासपाती, अम्बा, धुपी, तेजपत्ता, समी, कपुर लगायत १५/१६ फिट अग्दा बिरुवा रोपिएका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

महेश ज्ञवाली

महेश ज्ञवाली उज्यालाेमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्