जुम्लाको पातारासीमा बाढीले बगाएर महिला बेपत्ता

 भदौ ४, २०८० सोमबार १९:२९:२० | नेत्र शाही
unn.prixa.net

जुम्ला – जुम्लाको पातारासी गाउँपालिकामा बाढीले बगाउँदा एक महिला बेपत्ता भएकी छन् ।

प्रहरी चौकी पातारासी डिल्लीचौरका अनुसार पातारासी गाउँपालिका वडा नम्बर ५ माथीलोर्पा गाउँ निवासी अन्दाजी ३५ वर्षीया पन्नीकली बुढा बेपत्ता भएकी हुन् । 

प्रहरी सहायक निरीक्षक बुद्धि साउदका अनुसार घट्टमा गएकी महिला एक्कासी घट्टेखोलामा भारी वर्षापछिकाे बाढीले बगाएर बेपत्ता भएकी हुन् । 

बाढीले त्यस क्षेत्रका ५/६ वटा घट्ट पनि बगाएका छन् ।

बेपत्ताको खोजी भइरहेको प्रहरीले जनाएको छ । 
 

अन्तिम अपडेट: बैशाख २, २०८१

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ । 

तपाईको प्रतिक्रिया